Ўзбекистонда жисмоний тарбия ва спортни, аҳоли орасида соғлом турмуш тарзини янада тарғиб қилишга, ёшларни спортга кенг жалб қилишга Президент томонидан катта эътибор қаратилмоқда. Бу борада Ўзбекистон Миллий олимпия қўмитаси бир қатор дастурларни амалга оширмоқда.
Ўзбекистон Республикаси Вазирлар Маҳкамасининг 2019 йил 20 ноябрдаги Республика комиссияси йиғилишининг тегишли баённомасига мувофиқ, бир қатор етакчи ташкилотлар юртимизда оммавий спорт тарғиботини кучайтиришга ўз ҳиссасини қўшиб келмоқда.
Бугун Ўзбекистон Миллий олимпия қўмитасида ана шундай ташкилотлардан бири PepsiCo компаниясининг Ўзбекистондаги расмий боттлери — International Beverages Tashkent (IBT) билан ҳамкорлик меморандумини имзолаш тадбири бўлиб ўтмоқда.
Унга кўра, IBT компанияси профессионал бокс бўйича WBA ва IBF камарлари соҳиби, Рио-2016 совриндори Муроджон Аҳмадалиев ва бошқа юлдуз спортчилар билан республикада оммавий спортни ривожлантириш ва уни аҳоли орасида кенг тарғиб қилиш бўйича биргаликда ишлайди.
Шу билан бирга, International Beverages Tashkent компаниясининг стратегик ривожланиш бўйича директори Шуҳрат Эргашевнинг сўзларига кўра, IBT молиявий кўмаги асосида, Ўзбекистонда оммавий спорт тарғиботи, соғлом турмуш тарзи бўйича «Янги Ўзбекистон — янги ғалабалар» ғоясини мужассам қилган тарғибот ишларини ташкил этиш кўзда тутилган.
Бунда Ўзбекистоннинг машҳур спортчиларини умумий лойиҳаларни амалга ошириш учун жалб қилиш, ўзбек спортининг ёрқин вакиллари сиймосида ёшлар учун қаҳрамонлар яратиш бўйича тизимли ишлар амалга оширилади. Бу борада International Beverages Tashkent компанияси ва Ўзбекистон Миллий олимпия қўмитаси билан ҳамкорликда муайян ишлар йўлга қўйилмоқда.
Реклама ҳуқуқи асосида.
Изоҳ (0)