«Насаф» клуби бош мураббийи Рўзиқул Бердиев ОФК Кубоги 3-тури доирасида «Олтин Аср»га қарши кечадиган баҳс олдидан ўз фикрлари билан ўртоқлашди, дея хабар қилмоқда «Championat.asia».
Бу биз учун ҳам, рақиб учун ҳам муҳим ва ҳал қилувчи баҳс. «Олтин Аср» — жиддий ва тажрибали жамоа, қийин ўйинга тайёргарлик кўряпмиз. Ҳал қилувчи баҳсга барчамиз тайёрмиз. Мухлисларни хурсанд қиладиган натижа қайд этишга ҳаракат қиламиз.«Насаф» ва «Олтин Аср» жамоалари ўртасидаги ўйин 20 май куни Ўзбекистон вақти билан 17:00 да бошланади.«Насаф»ни дуранг ҳам қониқтириши ҳақида
Йигитлар билан гаплашиб олдик. Ҳеч ким дуранг ҳақида ўйлаётгани йўқ, фақат ғалаба учун майдонга тушамиз. «Олтин Аср» жамоасини яхши ўрганиб чиқдик ва таркибида Туркманистон терма жамоасининг кўплаб ўйинчилари борлигини кўрдик, тажрибали жамоа. Шу боис бўшашмаймиз ва ғалабани кўзлаб ўйнаймиз.
«Олтин Аср»нинг бўйдор ва бақувват футболчилари ҳақида
Ҳақиқатдан ҳам бўлажак рақиб яккакурашларда анча яхши ўйнайди. Лекин футболда бу муҳим аҳамият касб этмайди, рақибдан тезроқ ва чаққонроқ бўлишимиз керак. «Олтин Аср»нинг кучли ва кучсиз томонларини ўрганиб чиқдик. Ўйлайманки, йигитлар вазифани уддалайди.
«Хўжанд» билан ўйиннинг иккинчи бўлимда гол бўлмагани ҳақида
«Хўжанд» билан ўйинга жиддий тайёрландик ва биринчи бўлимда бор кучимиз билан ўйнадик. Танаффус вақтида йигитларга кейинги ўйинга ҳам кучингизни асранг дедим. Лекин ҳали олдинда 45 дақиқа борлигини ва бўшашмасликни сўрадим. Исталган жамоа 3:0 ҳисобидан кейин бироз эҳтиёткор ўйнайди. Тўғри, иккинчи бўлимда ҳужумда бор кучимиз билан ўйнамадик ва кейинги баҳс ҳақида ўйлай бошладик. Ўзгаришлар қилдик ва ёшларни майдонга туширдик.
«Насаф» учун осон ўтган ўйин ҳақида
«Олой» билан баҳснинг иккинчи бўлими. Сабаби биринчи бўлимнинг ўзида кўп вазиятлар яратдик ва танаффусдан кейин 4 та гол урдик. «Хўжанд» эса ўз майдонида ўйнади ва «Олой»дан бироз кучли эканлиги кўриниб турди.
«Насаф»нинг ОФК Кубоги финалига етиб бориш имкони ҳақида
Худо хоҳласа гуруҳдан чиқсак таркибни бироз кучайтиришимиз керак. Миллий чемпионат ва кубокда ҳам юқори мақсадларни қўйганмиз. ОФК Кубогида ҳам узоққа боришни хоҳлаймиз. Бунинг учун ёзда таркибни кучайтиришимиз керак. Бу борада раҳбарият билан гаплашиб олганмиз.
«Олтин Аср»нинг кучли томонлари ҳақида
Кучли томони —тажрибали футболчилари кўплиги. Таркибда Туркманистон миллий терма жамоаси аъзолари бор.
Рўзиқул Бердиев, «Насаф» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)