Туркиянинг Истанбул, Россиянинг Навосибирск ва Қозон шаҳарларида ишлаш мақсадида бориб, пандемия шароитида молиявий қийин аҳволда қолган фуқаролар 11-12 май кунлари Ўзбекистонга қайтарилди, деб хабар беради Ташқи меҳнат миграцияси агентлиги.
Маълум қилинишича, ушбу фуқаролар фарзандлари билан хорижда ишсиз ҳамда бошпанасиз қолиб кетган.
«Мазкур фуқароларнинг муаммолари Ташқи меҳнат миграцияси агентлиги чора-тадбирлари ва Халқаро миграция ташкилотининг молиявий кўмагида ижобий ҳал этилди», — дейилади хабарда.
Хорижда қийин аҳволда қолган ўзбекистонликларни Тошкент халқаро аэропортида Ташқи меҳнат миграцияси агентлиги ва Халқаро миграция ташкилоти масъул ходимлари кутиб олган ва улар яшаш манзилига кузатилган.
Аввалроқ Россияда қийин аҳволда қолган 9 нафар, Истанбулдан эса 6 нафар ўзбекистонлик ватанга қайтарилгани тўғрисида хабар берилганди.
Изоҳ (0)