Қудратилло Абдуқаҳҳоровнинг навбатдаги жанги санаси ва рақиби номи маълум бўлди

Профессионал бокснинг ярим ўрта (-66,68 кг) вазн тоифасида рингга чиқаётган Қудратилло Абдуқаҳҳоров (18-0, 10 КО) навбатдаги жангини 2021 йилнинг 19 июнида ўтказади.

Ўзбекистонлик боксчига аргентиналик Цезарь Мигел Баррионуэво (35-4, 25 КО) рақиб бўлади. Жанг АҚШда бўлиб ўтади.

Баррионуэво сўнгги жангини 2019 йилда Хуан Ленсинага қарши ўтказган ва нокаут билан ғалаба қозонган.

Абдуқаҳҳоров эса 2021 йилнинг мартида Пуэрто-Рико вакили Хавиер Флоресни муддатидан аввал таслим этганди. Навбатдаги жанг Қудратилло учун проф боксдаги 19-жанг бўлади, спортчи шу вақтга қадар мағлубият нималигини билмай келмоқда.