«Челси» Европа Чемпионлар Лигаси ярим финал жавоб баҳси доирасида 5 май, чоршанба куни «Реал»ни мағлуб этди (2:0) ва мусобақа финалига йўл олди.
«Кўклар» бош мураббийи Томас Тухель икки йил ичида турли жамоалар билан мусобақа финалига чиққан тарихдаги илк мураббий бўлди.
2020 йилда 47 ёшли мутахассис қўл остидаги «ПСЖ» Чемпионлар Лигаси финалида ўйнаганди. Ўшанда жамоа «Бавария»га ютқазган (0:1).
Тухель 2020 йилнинг январь ойида Фрэнк Лэмпард ўрнига «Челси» бошқарувига келганди.
«Манчестер Сити» ва «Челси» ўртасидаги финал баҳси 29 май куни Истанбул шаҳрида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)