«Муҳташам юз йил» сериалидаги Хуррам роли билан таниш бўлган турк актрисаси Марям Узерли Халқаро аёллар форумида иштирок этиш учун Россияга келди.
Юқори рейтингли телешоуларга ташриф буюриши учун актрисанинг менежерлари 30 минг доллар сўраши маълум бўлган.
Москва халқаро кинофестивалининг очилиш маросимига ташриф буюрган актрисанинг ташқи кўринишига қараб, унинг даромади нимага сарфланиши ҳақида билиш қийин эмас. Фестиваль иштирокчилари нафақат фильм томоша қилиш, балки образларини оммага кўз-кўз қилиш учун ҳам ташриф буюрган. Марям Узерли эса ўзига хос кўриниши билан қизил йўлакни безаб турган.
Фестивальнинг очилиш маросими учун юлдуз елка қисми очиқ, қора рангдаги ҳашаматли либос танлаган. Келишган қадди-қоматига қараб унинг 2021 йил январда она бўлганига ишониш қийин. Аммо жозибали кўрсатган либоси, сарв қомати ҳам унинг тақинчоғининг нархичалик реакцияларга сабаб бўлмаган. У образини якунлаш учун оқ олтин ва бриллиантдан ясалган, баҳоси 266 минг долларга тенг тақинчоқлар таққан.
Изоҳ (0)