«Барселона» футбол клуби Европа Суперлигаси борасида расмий баёнот билан чиқди.
Унга кўра, каталон клуби лойиҳани тарк этишга асос йўқлиги ва қонун улар томонида эканини маълум қилган.
«Барселона» Европанинг кўплаб йирик клублари фикрини инобатга олади. Клуб сифатни ошириш эвазига молиявий барқарорлик ва дунё футболи мавжудлигини сақлаб қолиш мумкинлигига ишонади.Маълумот учун, 18 апрель куни 12 клуб бошчилигида Европа Суперлигасига асос солинди. Орадан икки кун ўтиб АПЛнинг олти клуби лойиҳани тарк этди. Унинг ортидан «Милан», «Интер», «Атлетико», «Ювентус» жамоалари ҳам аъзоликдан чиқишини эълон қилди ва Суперлига лойиҳаси вақтинча тўхтатилди. Айни дамда фақат «Реал» ва «Барселона» лойиҳадан воз кечмади.«Барселона» директорлар кенгаши Суперлига таъсисчилари қаторига кириш қарорини қабул қилди. Бу футбол мухлисларига таклиф қилинган сифатли ва эътибор тортувчан маҳсулот. Бу лойиҳа таъсисчилари қаторида бўлишдан бош тортишлик тарихий хато бўларди, шу сабаб унга қўшилиш қарори қабул қилинди.
«Барселона» жамоатчиликнинг ушбу лойиҳага бўлган реакциясини инобатга олган ҳолда, уни чуқур таҳлил қилиш, керак бўлса маълум ўзгартиришлар киритиш лозим деб ҳисоблайди. Бундай чуқур таҳлил кейинчалик шошқалоқ ҳаракатларни амалга оширмаслик учун вақт ва совуққонлик талаб қилади.
Биз шуни алоҳида таъкидлаб ўтмоқчимиз, суд Суперлига таъсисчи клублари учун ҳуқуқий ҳимояни тақдим этди. Шу боис «Барселона» дебатлар жараёнида асоссиз босим ва қўрқитишлар бўлиши нотўғри деб ҳисоблайди.
«Барселона» ушбу масала юзасидан пайдо бўлган саволларни муҳимлигини инобатга олган ҳолда ўз мухлислари ва жамоатчиликни тушуниш, ҳурмат ҳамда сабрга чақиради.
«Барселона» баёноти
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)