Осиё Чемпионлар Лигаси 4-тури доирасидаги «Пахтакор» — «Шаржа» ўйинидан олдин матбуот анжумани ўтказилди. Унда Тошкент клуби бош мураббийи Питер Ҳюистра ва жамоа ҳужумкор ярим ҳимоячиси Ҳожимуҳаммад Эркинов иштирок этди.
Биринчи даврада етарлича очко жамғара олмадик. Шу сабабли эртага бизни жуда муҳим ўйин кутмоқда. Олдинги баҳсдаги хатоларни ўргандик, таҳлил қилдик. Жамоам ўйинни жуда ёмон ўтказди деб ўйламайман, аммо ҳимоявий ҳаракатларда кўнгилдагидек ўйнай олмадик. Ҳимоя фақат ҳимоячиларнинг ҳаракатидан иборат эмас, унда бутун жамоа иштирок этади. Жамоавий ҳаракат бўлиши керак. Қолаверса тўпни назорат қилиш орқали кўпроқ имконият яратишимиз лозим. Бу борада уйғунликни юзага келтириш даркор. Чемпионлар Лигасида буни уддалашга уриниб кўрамиз. Биринчи беллашувда 70 фоиз ҳолатда тўпни назорат қилдик, аммо бу самара бермади. Энди вазиятларни кўпроқ содир этишга интиламиз.Шунингдек, Эркинов ҳам ўйин ҳақидаги фикрлари билан ўртоқлашди.«Шаржа» — яхши савиядаги жамоа. Эртага Коронадо майдонга тушган тақдирда улар яна-да хавфли бўладими? Биз ўз ўйинимизни, юқори савиямизни кўрсата олсак, жуда яхши жамоамиз. Айнан шуни уддалашга ҳаракат қиламиз. Дастлабки икки учрашувда ғалабага ҳақли эдик, аммо омадимиз келмади. «Шаржа» билан биринчи баҳсда эса хатоларга йўл қўйдик. Буларни тузатишга уринамиз. Босим бор ҳолатда барча ишлар яхши бўлиши керак.
Питер Ҳюистра, «Пахтакор» бош мураббийи
Биз эртага жуда катта аҳамиятли ўйинда майдонга тушамиз. Бу рақибга қарши биринчи ўйиндаги хатоларни мураббийимиз тушунтириб ўтди. Керакли кўрсатмалар берилади ва фақат ғалаба учун ўйнаймиз.Эслатиб ўтамиз, жамоаларнинг 3-тур доирасида ўтказилган ўйин 4:1 ҳисобида БАА клубининг фойдасига ҳал бўлганди. «Пахтакор» ва «Шаржа» ўртасидаги 4-учрашуви 23 апрель куни Тошкент вақти билан 23:00 да бошланади.Ҳожимуҳаммад Эркинов, «Пахтакор» ярим ҳимоячиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)