Бугун,

  • USD 11095.31
  • RUB 173.84
  • EUR 10772.44

Ўзбекистон Олий Мажлиси Қонунчилик палатаси биносининг фасадини реконструкция қилиш ва бинони таъмирлаш учун 16,54 миллиард сўм (Марказий банкнинг 13 апрелдаги курсига кўра, қарийб 1,57 миллион доллар) миқдорида маблағ ажратилиши режалаштирилган. Бу ҳақда «Gazeta.uz» давлат харидлари порталида мавжуд маълумотларга таяниб, хабар берди.

Фото: «Дарё» / Мадина Нурман

Фото: «Дарё» / Мадина Нурман

Порталда эълон қилинган маълумотларга кўра, Қонунчилик палатасининг биносидан фойдаланиш бошқармаси 2021 йилнинг 10 февралида «Трест-12» АЖ билан шартнома имзолаган.

Фото: «Gazeta.uz»

Фото: «Gazeta.uz»

Амалга ошириладиган ишлар, тахминан, 16,54 миллиард сўмга баҳоланмоқда. Ушбу маблағлар давлат бюджетидан молиялаштирилади. Бажарилган ишларнинг ҳақиқий миқдори ва пудратчининг харажатларига кўра, сарфланган маблағларга аниқлик киритилади.

Фото: «Gazeta.uz»

Фото: «Gazeta.uz»

Порталдаги мавжуд ҳужжатларга мувофиқ, Вазирлар Маҳкамасининг 2020 йил 29 ноябрдаги 505-ф-сонли буйруғига биноан лойиҳани тендерсиз амалга ошириш ва параллел равишда объектни лойиҳалаштиришга рухсат берилган. Ишларни 2021 йилнинг июнь ойида якунлаш режа қилинган.

Аввалроқ Тошкентнинг Шароф Рашидов кўчасидаги (Мустақиллик майдони ёнида) маъмурий бино реконструкцияси ва фаввора остига автотураргоҳ қурилишига 431,5 миллиард сўм сарфланиши мумкинлиги маълум бўлганди. Ушбу лойиҳа пудратчиси сифатида ҳам аксионерлари орасида қурилиш вазирининг ўғли ва рафиқаси бўлган «Трест-12» АЖ танланган.

Қонунчилик палатасининг бошқа давлат харидлари

2020 йилнинг 1 июлида Қонунчилик палатасининг биносидан фойдаланиш бошқармаси Президент администрациясининг қурилиш бирлашмаси (ПА ҚБ) билан шартнома имзолаган. Келишув қуйи палата биносини капитал таъмирлаш, ҳудудни ободонлаштириш, ташқи ёритиш, мебель ва жиҳозлар билан таъминлашни назарда тутади (I босқич). Ишлар қиймати 15,1 миллиард сўм этиб баҳоланган.

Бошқарма 2021 йилнинг 29 мартида Қонунчилик палатаси биносини иситиш, вентиляция, ҳаво совитиш ускуналарини ўрнатиш ва алоқа тизимларини мукаммал таъмирлаш учун ПА ҚБ билан яна бир шартномани тузган. Лойиҳа миқдори 47,7 миллиард сўм этиб баҳоланган. Мазкур лот учун давлат харидлари сайтига юкланган ҳужжатлар бўм-бўш бўлиб чиққан.

Изоҳ
Асосий янгиликлар
Дунё
“Гулжа қирғини” — уйғурларни ўлдиришни бошлаган Хитой, чеченларни оммавий ўлдирган рус ОМОНи ва водород бомбасини ботқоққа ташлаган АҚШ самолёти. Кун хронологиясид...
Маҳаллий
Тошкент вилоятида автокран қулаши оқибатида машинист вафот этгани юзасидан жиноят иши қўзғатилди
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...