Президент Шавкат Мирзиёев 13 апрель куни ёшлар масалаларига бағишлаб ўтказилган видеоселектор йиғилишида Маданият вазирлиги «Туркистон» санъат саройига кўчиши маълум қилинди, деб ёзади «Gazeta.uz».
Таъкидланишича, мазкур санъат саройида вазирлик учун зарур шароитлар яратилиши белгилаб берилган.
Маълумот учун, «Туркистон» санъат саройи Ўзбекистоннинг Биринчи Президенти Ислом Каримов ташаббуси билан 1993 йилда очилган.
Эслатиб ўтамиз, 2017 йилда Тошкентдаги илгари Ташқи савдо вазирлиги жойлашган тарихий бинони Маданият вазирлигига ажратишга қарор қилинганди. Ўшанда Шавкат Мирзиёев бутун дунёда Маданият вазирлиги мамлакатнинг юзи ҳисобланиб, энг гўзал, салобатли биноларда фаолият олиб боришини, Ўзбекистонда эса ноқулай шароитда, асосан, расмий идоралар жойлашган бинода иш олиб бораётганини қайд этиб ўтган эди.
Вазирликнинг ҳозирги биноси 1898 йилда архитекторлар Гейнцельман ва Максимов лойиҳалари асосида бунёд этилган бўлиб, у архитектура ёдгорлиги ҳисобланади.
Изоҳ (0)