Бугун,

  • USD 11095.31
  • RUB 173.84
  • EUR 10772.44

Осиё Чемпионлар Лигаси гуруҳ босқичи 1-тури доирасида бўлиб ўтадиган «Ал-Ҳилол» — ОКМК беллашувидан аввал матбуот анжумани ўтказилди. Унда Олмалиқ клуби бош мураббийи Миржалол Қосимов ва ярим ҳимоячи Ёван Жокич иштирок этди.

Фото: ОКМК

Фото: ОКМК
Авваламбор, ассалому алайкум! Барча мусулмон аҳли ва юртдошларимизни кириб келган муборак Рамазон ойи билан қутлайман. Ҳаммага сиҳат-саломатлик ва омад тилайман. Эртага ОКМК жамоаси учун янги саҳифа очилмоқда. Жамоамиз илк бор ОЧЛ гуруҳ босқичида иштирок этади. Мақсад гуруҳдан чиқиш. Гуруҳ босқичи якунида тўпланган очколарга қараб, ким қайси ўринни олишини билиб оламиз.

Жамоа саралаш ўйинидан кейин тикланиш жараёнини қандай ўтказгани ҳақида

Жамоамиз бу ерга келишдан аввал муҳим ва мураккаб кечган ўйинда қатнашди. Шунингдек, йўл ва парвозлар ҳам ўз таъсирини ўтказди. Қатарга бордик, у ердан Тошкентга қайтиб, сўнгра Саудия Арабистонига келдик. Лекин бу биз учун баҳона бўлиб қолиши керак эмас. Бу ерга яхши ниятлар билан келдик. Ўйлайманки, бу жиҳат у қадар катта таъсир ўтказмайди.

Рамазон ойининг футболчиларга қандай таъсир кўрсатиши ҳақида

Бу таъсир қилмайди. Орада вақт бор. Ўйинлар ифторликдан кейин маҳаллий вақт билан кечки 22:00 га белгиланган. Бу вақт ичида футболчилар тикланиб олади.

«Ал-Ҳилол» билан ўйинда жамоасидан нима кутаётгани ҳақида

Ҳар бир мураббий жамоасидан яхши натижа кутади. Бу осон бўлмаслигини билиб турибмиз. «Ал-Ҳилол» — номдор жамоа. Рақибни ҳурмат қиламиз, аммо улардан қўрқмаймиз. ОКМК ушбу мусобақага яхши ниятлар билан етиб келди. Ўйлайманки, жамоамиз чиройли ўйнаб, ғалабага интилади.

Миржалол Қосимов, ОКМК бош мураббийи

Шунингдек, «кончилар» ярим ҳимоячиси Ёван Жокич ҳам ўз фикрлари билан ўртоқлашди.
Эртага жуда ҳам қийин ўйин бўлади. Биз муҳим учрашувга астойдил тайёргарлик кўрамиз. Умид қиламанки, эртанги баҳс биз учун омадли бўлади.

Ёван Жокич, ОКМК ярим ҳимоячиси

Эслатиб ўтамиз, «Ал-Ҳилол» — ОКМК учрашуви 15 апрель куни Тошкент вақти билан 00:00 да бошланади.

Изоҳ
Асосий янгиликлар
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк