Бокс бўйича Рио—2016 Олимпиадаси чемпиони Ҳасанбой Дўстматов (2-0, 2 КО) 3 апрель куни Тошкентдаги Humo Arena’да ташкил этиладиган бокс кечасида рингга кўтарилиши ва унга Алексис Диас (25-2, 17 КО) рақиблик қилиши ҳақида хабар берилганди.
Бироқ ушбу бокс оқшомида Дўсматовнинг рақиби ўзгарди. Эндиликда -49 килограмм вазн тоифасида рингга чиқадиган боксчи танзаниялик Муҳсин Кизота (11-2, 3 КО) билан жанг қилади.
Қайд этиш жоиз, бу Ҳасанбой учун профессионал боксдаги учинчи жанг бўлади.
Мазкур бокс кечасининг асосий жангида Муроджон Аҳмадалиев (8-0, 6 КО) Рёсуке Ивасага (27-3, 17 КО) қарши беллашувда WBA ва IBF камарларини ҳимоя қилади.
Эслатиб ўтамиз, Дўстматов сўнгги жангини 2020 йилнинг декабрида Одилжон Сотқиновга қарши ўтказган ва уни биринчи раунддаёқ нокаутга учратганди.
Мавзуга доир:
Изоҳ (0)