УЕФА молиявий фейр-плей қоидаларини бекор қилмоқчи. Бу ҳақда Италиянинг La Gazzetta dello Sport нашри ва журналист Танкреди Палмери хабар қилмоқда.
Манбаларнинг хабарига кўра, молиявий фейр-плей ўрнига янги молиявий бошқарув назорати ишлаб чиқилади. Бу клубларга трансферларни амалга оширишда улкан эркинлик тақдим этади.
УЕФА президенти Александер Чеферин бу ҳақидаги қарорни 25 март куни расман эълон қилиши кутилмоқда.
Молиявий фейр-плей қоидаси 2011/12 йилги мавсумдан бери амал қилиб келади. Унга кўра, футбол клублари ўз даромадидан ортиқ маблағ сарфламаслиги белгиланган.
Эслатиб ўтамиз, 2020 йилда УЕФА «Манчестер Сити»ни молиявий фейр-плей қоидаларини бузганликда айбдор деб топган ва клубни икки йилга Еврокубоклардан четлатганди. Бироқ кейинчалик спорт арбитраж суди бу қарорни бекор қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)