Футбол бўйича Англия Премьер Лигасининг 28-турида «Арсенал» ва «Тоттенҳэм» жамоалари 14 март, якшанба куни ўзаро тўқнаш келди.
Учрашувнинг 33-дақиқасида Эрик Ламела чиройли зарба билан супер гол муаллифига айланди ва «шпорлар»ни олдинга олиб чиқди. Бунга майдон эгалари тайм сўнгида Мартин Эдегорнинг голи билан жавоб қайтарди.
64-дақиқада «Арсенал» пенальти ишлаб олди, 11 метрлик жарима зарбасини Александер Ляказетт муваффақиятли ижро этди. 76-дақиқага келиб «Тоттенҳэм» Ламеланинг четлатилишидан кейин бир ўйинчи кам бўлиб қолди. Қолган вақтда ҳисоб ўзгармади.
«Арсенал» 41 очко билан 10-ўринда бормоқда, «Тоттенҳэм» (45) 7-поғонадан қолди.
«Арсенал» — «Тоттенҳэм» учрашувидаги голлар видеосини бу ерда томоша қилиш мумкин — видео.
Яна бир ўйин «Лестер» ва «Шеффилд Юнайтед» жамоалари ўртасида кечди. Унда «тулкилар» рақиб дарвозасига жавобсиз бешта гол урди.
АПЛ
28-тур баҳслари
14 март, якшанба
«Арсенал» — «Тоттенҳэм» 2:1
Голлар: 0:1 – 33 Ламела, 1:1 – 44 Эдегор, 2:1 – 64, пенальти Ляказетт.«Арсенал»: Лено, Габриэль, Тирни, Давид Луиз, Соареш, Сака (Пепе, 46), Парти, Смит-Роу (Виллиан, 77), Жака, Эдегор, Ляказетт (ан-Ненни, 88).
«Тоттенҳэм»: Льорис, Регилон, Санчес, Доэрти, Алдервейрелд, Ҳёйберг, Ндомбеле (Алли, 62), Бэйл (Сиссоко, 57), Лукас Моура, Сон Ҳён Мин (Ламела, 19), Кейн.
Огоҳлантиришлар: Регилон (40), Санчес (63), Ламела (69), Жака (82).
Четлатиш: Ламела (76).
«Лестер» — «Шеффилд Юнайтед» 5:0
Голлар: 1:0 – 39 Иҳеаначо, 2:0 – 64 Перес, 3:0 – 69 Иҳеаначо, 4:0 – 78 Иҳеаначо, 5:0 – 80, автогол Ампаду.«Саутҳэмптон» — «Брайтон» 1:2
Голлар: 0:1 – 16 Данк, 1:1 – 27 Адамс, 1:2 – 56 Троссард.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)