«Бавария» клуби устози Ҳанс-Дитер Флик Германия терма жамоаси бош мураббийига айланиши мумкин.
Bild нашрининг хабар қилишича, агар Флик Германия терма жамоаси бошқарувига тайинланадиган бўлса, у ҳолда «Бавария»нинг янги бош мураббийи «Лейпциг» устози Юлиан Нагелсман бўлади.
Аввалроқ Германия бош мураббий Йоахим Лёв 2021 йилнинг ёзида бўлиб ўтадиган Евро—2020 мусобақасидан кейин ўз лавозимини тарк этиши маълум бўлганди.
33 ёшли мутахассис мураббийлик фаолиятини 2008 йил, 21 ёшида бошлаган. 2016 йилда Юлиан «Ҳоффенҳайм» бош жамоаси устозига айланган, 2019 йилдан буён «Лейпциг»да ишлаб келмоқда.
Мутахассис «буқалар» бошқарувидаги дебют мавсумидаёқ Чемпионлар Лигаси ярим финалига қадар етиб борган ва бу натижага эришган мусобақа тарихидаги энг ёш мураббий бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)