Дортмунднинг «Боруссия» клуби ҳужумчиси Эрлинг Ҳоланд Чемпионлар Лигаси 1/8 финал жавоб баҳси доирасида кечган «Севилья»га қарши ўйинда (2:2) дубль қайд этди.
20 ёшли футболчи Чемпионлар Лигасидаги голлари сонини 20 тага етказиб олди. Бунинг учун унга 14 та ўйин кифоя қилди. Шу тариқа Ҳоланд мазкур мусобақада 20 та гол уриш учун энг кам ўйин сарфлаган футболчига айланди.
Аввалги рекорд «Тоттенҳэм» ҳужумчиси Ҳарри Кейнга тегишли бўлиб, у Чемпионлар Лигасидаги 24 та ўйинда 20 та гол урганди.
Шунингдек, Ҳоланд Чемпионлар Лигасининг кетма-кет олти ўйинида гол урди ва бу натижага эришган лига тарихидаги энг ёш футболчи бўлди.
Норвегиялик футболчи Бундеслиганинг 2020/21 йилги мавсумида 19 ўйин ўтказиб, 19 гол ва 4 та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)