Ҳозир дунёда хорижий сайёҳлар учун коронавирус билан боғлиқ чекловларсиз фақат бешта мамлакат мавжуд. Шунингдек, 69 та мамлакат аввалгидек кириш учун ёпиқ. Ушбу маълумот Жаҳон сайёҳлик ташкилоти (UNWTO) томонидан берилган ҳисоботда эълон қилинди. Бу ҳақда «Tangritravel.kz» хабар берди.
Тўлиқ очиқ мамлакатлар рўйхатига Албания, Доминикан Республикаси, Танзания, Коста-Рика ва Шимолий Македония кирди. 73 та давлат чегараларини қисман ёпган. Еттита мамлакат коронавирус тести манфий бўлганларни қабул қилади. Яна 70 та давлат карантинда бўлиш ёки COVID-19 учун манфий тест натижаларини талаб қилади.
Сайёҳлар учун бутунлай ёпиқ бўлган 69 та мамлакатнинг 30 таси Осиё-Тинч океани минтақасида, 15 таси Европада, 11 таси Африкада, 10 таси Америкада, учтаси Яқин Шарқда жойлашган.
Шунингдек, тадқиқотлар саёҳатларга чекловлар қўйишда ҳукуматлар томонидан аниқроқ қарорлар қабул қилиш тенденциясини аниқлади.
«Чекловлар — шунчаки муаммо ечимининг бир қисими. Чекловлар жорий қилишда энг сўнгги маълумотлар ва таҳлиллардан фойдаланиш зарур. Бундай ёндашув миллионлаб корхоналар ва ишчилар боғлиқ бўлган секторни хавфсиз тарзда ва масъулият билан қайта изга солишни таъминлайди», — деди UNWTO бош котиби Зураб Полиликашвили.
Аввалроқ Халқаро ҳаво транспорти ассоциацияси (ИАТА) 2021 йилда сайёҳлар 2020 йил охирига нисбатан камроқ парвоз қила бошлагани ҳақида хабар берган эди. Оммавий эмлашлар тобора кучайиб бораётганига қарамай, вируснинг янги штаммлари чекловлар кучайишига сабаб бўлмоқда.
Изоҳ (0)