Қорақалпоғистонда бир оиланинг 4 аъзоси ва меҳмон ис газидан заҳарланиб, вафот этди

Қорақалпоғистонда беш нафар, жумладан, икки вояга етмаган шахс вафот этди, дея хабар қилмоқда республика прокуратураси.

Қайд этилишича, 2021 йил 6 март куни соат 11:30 ларда Тўрткўл тумани ИИБга келиб тушган хабарга кўра, Тўрткўл тумани, «Янгиобод» МФЙда яшовчи фуқаро И.У.(эркак) ва унинг қизлари Р.С. (2003 йилда туғилган), Р.А. (2010 йилда туғилган) ва ўғли Р.М. (2005 йилда туғилган) ҳамда ушбу хонадонга меҳмонга келган А.Ш. хонадонда ўрнатилган иситиш печидан сизиб чиққан ис газидан заҳарланиб, вафот этган.

Ушбу ҳолат юзасидан Тўрткўл туман прокуратураси томонидан Жиноят кодексининг 259-моддаси 2-қисми «а, б» бандлари билан жиноят иши қўзғатилди.

Ҳозирда Тўрткўл тумани ИИБ томонидан дастлабки тергов ҳаракатлари олиб борилмоқда.

Мазкур жиноят ишининг тергови Қорақалпоғистон прокуратураси томонидан назоратга олинган.

Бундан аввал Хоразмдаги чойхонада бир оиланинг уч аъзоси ис газидан заҳарланиб вафот этгани, Каттақўрғонда ис газидан оилавий заҳарланиш оқибатида уч нафар бола ҳалок бўлгани ҳамда Сирдарёда эр-хотин ис газидан заҳарланиш оқибатида вафот этгани ҳақида хабар берилганди.