Тошкентнинг Учтепа туманида қуролдан отилган ўқ билан яраланган ит топилди. Бу ҳақда «Меҳр ва оқибат» ҳайвонларни ҳимоя қилиш жамияти хабар берди, деб ёзмоқда «Gazeta.uz»
Маълум бўлишича, ариқдан чиқмоқчи бўлган ярадор итни бефарқ бўлмаган шаҳар фуқароси пайқаган. Итни машина уриб юборди, деган тахмин билан у ҳайвонларни ҳимоя қилиш жамиятига бу ҳақда хабар берган.
Волонтёрларнинг саъй-ҳаракатлари билан ит ветеринария клиникасига олиб борилган, бу вақтда унинг аҳволи кескин ёмонлашган. Шифокорлар рентген суратлари ёрдамида ҳайвонга қурол билан ўқ узилганлигини аниқлаган. Ўқ итнинг тўқималарида жойлашган, ҳозирда ҳайвонга интенсив терапия ўказилмоқда.
Итга Милли деб ном берилган. Волонтёрлар куратори ҳайвонни даволаш учун хайрия маблағи учун йиғим эълон қилди.
Ҳайвонларни ҳимоя қилиш жамияти ушбу воқеа ёки ҳайвонларга нисбатан шафқатсизлик қилингани ҳақида бошқа ҳолатларга гувоҳ бўлганлардан «Меҳр ва оқибат» жамиятининг 93-812-04-13 ишонч телефонига мурожаат қилишни сўраган.
Аввалроқ Тошкент вилоятидаги чўчқа фермасида гўштини сотиш мақсадида итлар оммавий равишда отиб ўлдирилаётгани ҳақида хабарлар тарқалган, кейинчалик бу хабар ўз тасдиғини топмагани ҳақида хабар берилган эди. Ундан аввал Ўзбекистон ФВВ бошпанасиз итлар отиб ташланиши тўғрисидаги хабарларни рад этган эди.