Бугун,

  • USD 11095.31
  • RUB 173.84
  • EUR 10772.44

23 февраль куни Нью-Йорк полиция департаменти ходимлари Бронксдаги квартирада амалга оширилган қуролли босқин бўйича чақирувга Boston Dynamics компанияси К-9 модели — Digidog лақабли робот-итини ҳам олиб борди, деб хабар беради Esquire.

Кадр: YouTube

Кадр: YouTube

«Роботга камералар ва ёруғлик манбалари ўрнатилган бўлиб, бу Нью-Йорк полициясига реал вақтда атрофдаги вазиятни кузатиш имконини беради. Бундан ташқари, қурилма икки томонлама алоқани қўллаб-қувватлайди», — дейди сержант Жессика МакРори. Оғирлиги 32 килограмм атрофида бўлган робот маҳаллий ҳудудда йўналишни топишда сунъий интеллектдан ҳам фойдаланиши мумкин.

Роботдан содир бўлган воқеанинг суриштирувида фойдаланилган. Аниқланишича, жиноятчилар квартирага бостириб кирган вақтида ростдан ҳам қуролдан фойдаланган, бироқ воқеа жойига етиб келган полиция ходимлари квартирадан жиноятчиларни топа олмаган.

АBC’нинг ёзишича, робот расман ўтган йилнинг декабрида таништирилган. У соатига 5,5 километр тезликда югура олиши, зина бўйлаб кўтарилиши ва мутлақо қоронғи жойда ҳам йўналишни топа олиши мумкин. Бу каби «ит»ни сотиб олиш учун 74,5 минг доллар тўлаш керак бўлади.

Полициячилар Digidog’дан ўтган йили ҳам фойдаланган эди. Ўшанда у икки нафар қуролланган эркакни қўлга олиш ва беш нафар асирни озод қилишда полициячиларга ёрдам берган. «Одамлар овқатланишни хоҳлаган эди, шу сабабли биз роботга егуликларни боғлаб, уларнинг олдига юбордик», — дейди Нью-Йорк полиция инспектори Фрэнк Дигиакомо.

Аввалроқ Boston Dynamics’нинг робот-ити уй тозалашни ўрганиб олгани тўғрисида хабар берилганди.

Изоҳ
Асосий янгиликлар
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?