Гондурас Республикаси Россиянинг коронавирусга қарши «Спутник V» вакцинасини маъқуллади. Бу ҳақда Россия Тўғридан-тўғри инвестициялар фондига (РФПИ) таяниб «РБК» хабар берди.
Фото: EPA
«Рўйхатдан ўтказиш тезлаштирилган муолажа доирасида амалга оширилди», — дейилади хабарда.
Гондурас «Спутник V» вакцинасини рўйхатдан ўтказган 36-мамлакат бўлди.
Бу вакцинани биринчи бўлиб Беларусь давлати рўйхатдан ўтказган. Ундан олдин эса вакцинанинг клиник синовларида қатнашган.
Кейинроқ Аргентина, Боливия, Сербия, Жазоир, Фаластин, Венесуэла, Парагвай, Туркманистон, Венгрия, БАА, Эрон, Гвинея Республикаси, Тунис, Арманистон, Мексика, Никарагуа, Сербия Республикаси (Босния ва Герцоговиня), Ливан, Мьянма, Покистон, Мўғулистон, Баҳрайн, Черногория, Сент-Винсент ва Гренадина, Қозоғизстон, Габон, Сан-Марино, Сурия, Қирғизистон, Гаяна ва Миср давлатларида «Спутник V» вакцинаси рўйхатдан ўтказилди.
Аввалроқ Ўзбекистонда ҳам «Спутник V» вакцинасини қўллашга рухсат берилгани ҳақида хабар берилган эди. Ўзбекистонда коронавирусга қарши эмлаш март ойининг биринчи ярмида бошланиши маълум қилинган.
