Бирлашган Араб Амирликларида футбол бўйича Президент Кубогининг ярим финалидан ўрин олган баҳсда «Шабоб Ал-Аҳли» 22 февраль, душанба куни «Бани Яс» клуби меҳмони бўлди.
Баҳсни «Шабоб Ал-Аҳли» минимал ҳисобда ўз фойдасига ҳал қилди. Учрашувни Жалолиддин Машарипов асосий таркибда бошлади. Ўзбекистонлик футболчи 71-дақиқа ўз ўрнини шериги Муҳаммад Жумага бўшатиб берди. Беллашувдаги ягона гол Жалолиддин майдонни тарк этганидан 3 дақиқа ўтиб Игор Жесус томонидан урилди.
Мусобақанинг финалида Дубай клуби Отабек Шукуров ҳаракат қиладиган «Шаржа» клубига қарши тўқнаш келиши мумкин. «Шаржа»—«Ан-Наср» учрашуви 22 февраль, душанба кунига белгиланган.
Президент Кубоги
Ярим финал баҳси
22 февраль, душанба
«Бани Яс»—«Шабоб Ал-Аҳли» 0:1
Гол: 0:1 — 74 Игор Жесус.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!