Ўзбекистонда 25—27 февралда кутилаётган совуқ ҳарорат мевали дарахтларнинг ёзилган куртаклари ва гулларига зарар етказади, деб огоҳлантирди «Ўзгидромет».
Февраль ойининг иккинчи ўн кунлигида аномал юқори ҳаво ҳарорат ҳисобига мевали дарахтлар, тут ва токнинг баҳорги вегетацияси ўртача кўп йиллик кўрсаткичлардан 2,5-3 ҳафта эрта бошланди.
«Ўн кунликнинг биринчи ярмида республика ҳудудининг катта қисмида мевали дарахтларда ялпи куртакларини бўртиши ва очилиши бошланди. Ўн кунликнинг охирига келиб, эрта гуллайдиган мевали дарахтлар гуллади. Республиканинг жанубида эрта гуллайдиган мевали дарахтларнинг гуллаши февраль ойининг биринчи ўн кунлигида бошланиб, иккинчи ўн кунликнинг охирига келиб, гуллаш ялпи бўлди», — дейилади хабарда.
Эслатиб ўтамиз, 23—26 февраль кунлари Ўзбекистон ҳудудига Волгабўйи орқали Россиянинг (Москва вилояти) Европа қисми ҳудудлари устида шаклланган совуқ ва нам ҳаво массалари кириб келади. 25—26 февраль кунлари ҳарорат кечалари 7—12 даража, кундуз кунлари эса 2—7 даража совуқ бўлади.
Изоҳ (0)