Ўзбекистон 3 йил ичида биринчи марта январь ойида олтин сотмади. Бу ҳақда Давлат статистика қўмитаси маълумотларига таяниб, Spot хабар берди.
Мамлакат 2019- ва 2020 йилларни ушбу металлни фаол сотиш билан бошлаган, ҳатто унга барча экспортнинг 50 фоизи ва ундан ҳам кўпроғи тўғри келганди.
2021 йилда эса асосий экспорт саноат (35,7 фоиз), озиқ-овқат маҳсулотлари (11 фоиз) ва кимёвий моддалар (8,9 фоиз) бўлди.
Қайд этилишича, олтин сотилмаганини республика ташқи савдо айланмасининг 657,6 миллион долларга ёки 22,2 фоизга қисқаргани билан изоҳлаш мумкин.
Қолган кўрсаткичлар деярли ўзгармаган — Хитой ва Россия асосий савдо ҳамкори бўлиб қолмоқда, асосий импорт — тиббиёт маҳсулотларини сотиб олиш ўсмоқда.
Ўзбекистон олтин сотишни 2020 йилнинг сентябридан тўхтатди. Марказий банк олтин-валюта активларини самарали бошқариш, шу жумладан, халқаро қимматбаҳо металлар бозоридаги вазиятни таҳлил қилиш ва олтин нархини прогноз қилиш асосида сотади.
Марказий банк олтин нархи 2 минг доллардан ошган пайтда фаол равишда олтин сотган, 2020 йилнинг III чорагида Ўзбекистон олтин сотиш бўйича дунёда етакчи ўринни эгаллаганди.
Изоҳ (0)