Ҳозирги кунда тил ўрганиш учун интенсив аудио курс, деган тушунча кенг тарқалиб, шов-шувларга сабаб бўлмоқда. Интенсив аудио курс — бу анъанавий таълимдан фарқли ўлароқ, тинглаш йўли орқали хорижий тилни ўрганиш усули.
Аудио курслар ҳақиқатдан ҳам биз ўйлаганчалик фойдалими?
Аудио курсларнинг қулайлиги шундаки, уларни телефонга ёзиб олиб, исталган жойда фойдаланиш мумкин. Кўчада кетяпсизми, транспортдамисиз, уйни йиғиштиряпсиз ёки спорт билан шуғулланяпсизми — қулоқчин тақиб олиб, дарсларни эшитиш ва тилни ўзлаштириб бориш кўпчилик учун қулай.
Бизнинг фикримизча, интенсив аудио курсларнинг ҳам бир қатор жиддий камчиликлари бор:
- Агар сиз бирор сўз ёки жумлага тушунмай қолсангиз бўлди, ўша ерда қотиб қоласиз. Бу усул билан сиз маълумотни қай даражада ўзлаштираётганингизни текшира олмайсиз ва сизни сўроқ қилиб, билимингизга баҳо берадиган одам бўлмагани учун масъулиятни йўқотасиз. Натижада аввалига иштиёқингиз сўнади, кейин эса аста-секин машқларни бажармай қўясиз.
- Аудио курсларни тарғиб қилувчиларнинг аксарияти «грамматика ва сўз ёдлашларсиз қисқа муддатда ўрганинг», деган нотўғри ва мантиқсиз ғояни илгари сурмоқда. Грамматикани ва сўзларни ёдламасангиз, нимани ўрганасиз? Яна қисқа муддатда, дейсизми? Қўйсангиз-чи…
- Чексиз акциялар ва рекламаларга катта маблағлар тикилаётгани, бу маҳсулотни яратишдан асосий мақсад — маҳсулот сифатидан кўра кўпроқ пул топиш экани билиниб турибди. Шу сабабли, улар чиқараётган китобларнинг аксарияти охирига етказилмаган ва яхшилаб текширилмаган контентдан иборат. «Тўғри ёзамиз» Telegram каналидаги маълумотлар буни тасдиқлаб турибди.
- Албатта, улар фойдали бўлиши мумкин — агар сифатли методика ва контентдан ташкил топган бўлса. Лекин улар шунчаки бир китоб. Ўқитувчининг ёрдамисиз фақатгина шу китобларнинг ўзи билан тилни тўлиқ ўрганиш, шу тилда грамматика ва сўз ёдлашларсиз эркин гаплашишни бошлаш — бу ҳақиқатга тўғри келмайди.
Бундан ташқари, ўқитувчи сизни қай даражада ўзлаштираётганингизни ва қайси мавзулар устида кўпроқ ишлашингиз кераклигини кўрсатиб туради. Ана шунда ҳам агар у ҳақиқий ўқитувчи бўлса, сизга 5 ёки 6 ойда ўз она тилингиздагидек гаплаша олишни кафолатламайди. Чунки ўқувчи томонидан бўлган ҳаракат ҳам катта аҳамиятга эга.
Бугунги кунда юртимизда бош мақсади даромад қилиш эмас, ҳақиқий билим бериш бўлган сифатли онлайн ўқув макразлари ҳам йўқ эмас. Шундай марказлардан бири — стартап лойиҳа Webclass онлайн мактаби. Webclass мактабида, юқорида айтилганидек, энг замонавий метод — ўқитувчи билан юзма-юз масофадан туриб мулоқот қилиш асосида ўрганилади.
Онлайн мактабнинг энг афзал тарафларидан бири — дарслар индивидуал тарзда ўтилади, яъни сиз ўзингиз истаган вақтда сараланган ўқитувчилардан сифатли дарс олишингиз мумкин. Бунда бир ўзингизга алоҳида бир ўқитувчи ажратилади. Бу хизмат айниқса, ҳозирда чет элда юрган ватандошларимиз, шунингдек, тиғиз иш графигига эга бўлиб, курсларга қатнаш имконияти йўқ кишилар учун ниҳоятда қўл келмоқда.
Webclass’нинг яқиндагина ишга тушириладиган махсус платформаси — Webclassroom эса сизнинг ўзлаштириш даражангизни, яъни баҳоларингизни сунъий интеллект ёрдамида доимий кузатиб боради. Қолаверса, у дарсларингиз ҳақида ҳар куни хабардор қилиб, сизга мотивация бериб туради. Шунингдек, сиз берилаётган дарслардан қай даражада қониқаётганингизни баҳолаб боришингиз мумкин бўлади (худди Яндекс.Такси иловасидагидек).
Тил билиш — бу жуда катта меҳнат ва машаққат маҳсули. Уни ўргатиш эса улкан масъулият ва жавобгарликни талаб қилади. Ана шундай талабларга жавоб бериш учун таълим берувчининг бирламчи мақсади, қўпол қилиб айтганда «соққа қилиш» эмас, илм улашиш бўлсагина бу ишга қўл ургани тўғри бўлади, деб ҳисоблаймиз. Тақдим этилаётган хизмат ва илм муносиб даражада бўлса, даромад ўз-ўзидан оқиб келаверади. Хулоса, албатта, ўзингиздан!
Энг сара устозлардан ташкил топган Webclass онлайн мактаби ҳам фақатгина пул ишлашни эмас, чин маънода илм улашишни бирламчи мақсад қилган.
Хўш, бу сервис бепулми? Албатта, йўқ! Лекин берилаётган билим ва кўрсатилаётган хизмат сифати аъло даражада. Тил ўрганишнинг энг замонавий ҳамда мақбул йўлидан фойдаланинг ва ҳақиқий билимларни эгалланг.
Батафсил маълумот webclass.uz сайти ёки (+998 99) 925 31 59 телефон рақами орқали олишингиз мумкин.
Реклама ҳуқуқи асосида.
Изоҳ (0)