Баъзида дорихонадан топиш мумкин бўлган дори воситалари қиммат косметик воситалардан кўра яхши самара бериши мумкин.
Метурацил мази
Яллиғланишга қарши хусусиятга эга бўлган ушбу маздан бемалол гигиеник помада ўрнида фойдаланишингиз мумкин. Асосан, чуқур яра ва куйишда қўлланиладиган ушбу восита лабдаги ёриқларни бартараф қилишга ҳам ёрдам беради. Кечаси лабга суртилса, эрталабгача тери намланиб, ёриқлар кетади. Айниқса, ҳафтасига 3-4 марта суртиш тавсия қилинади.
Банеоцин мази
Ҳуснбузар ва яллиғланишни бартараф қиладиган ушбу маз антибиотик бўлгани сабаб ҳам унга ўрганиб қолмаслик керак. Меъёрда ва тўғри фойдаланилса, бактериал таъсир кўрсатиб, яллиғланиш келтириб чиқарадиган бактерияларни йўқ қилади. Шунингдек, лабга учуқ чиқадиган бўлса, ушбу мазни Атцикловир ўрнида ишлатиш ва ижобий натижага эришиш мумкин.
Хлоргекседин
Болалигингизда онангиз яраларга қўллаган мазкур воситадан дезодорант сифатида фойдаланишингиз мумкин. Хлоргекседин тер ҳиди келтириб чиқарадиган микроблар ва бактерияларни йўқ қилади. Гап шундаки, аслида терининг ҳиди бўлмайди. Аммо ушбу восита терлашни эмас, ҳидни йўқ қилишини ёдда тутинг.
Далацин гели
Яллиғланишга қарши хусусиятга эга мазкур гел билан макияждан тўлиб қоладиган пораларни тозалашингиз мумкин. У макияж чўткаси ва кун давомида пораларга тушиб қолган бактерияларни йўқотиб, терини тозалайди. Фойдаланишдан аввал терини мицеляр сув билан тозаланг, кейин эса иссиқ сув билан ҳўлланган сочиқда юзингизни артинг (поралар яхши очилади). Музлаткичда сақланиши ва совуқ ҳолида суртилиши керак бўлган гелдан, шунингдек, кўз остига патчи сифатида ҳам фойдаланса бўлади. Гипертоник восита теридаги намлик ва шишларни кетказади. Дўкондан далацин топа олмаган тақдирингизда, ўрнига натрий хлорид эритмасидан фойдаланинг.
Оксолин мази
Ёғ безлари фаолиятини меъёрлаштириб, яллиғланишга қарши таъсир кўрсатади. Ундан фойдаланиш орқали ҳуснбузарларни кетказиш, машҳур Скиноген-гел ўрнида қўллаш мумкин. Косметологда пилинг қилдириб, юзни оқартириш муолажаларини синаб кўришдан аввал оксолин мазидан фойдаланиб кўринг. 2 ҳафтадан кейин самарасини кўришингиз мумкин.
Изоҳ (0)