Сенат раиси ўринбосари Зайниддин Низомхўжаев Марказий сайлов комиссияси раиси этиб сайланади, дея хабар қилмоқда «Gazeta.uz»
Комиссия мажлиси 4 февраль куни ўтказилиши режалаштирилган. МСКнинг 16 йиллик раиси Мирзо-Улуғбек Абдусаломов эса бошқа ишга ўтиши маълум қилинди.
Маълумот учун, Низомхўжаев 1954 йилда Тошкент вилоятида туғилган. Маълумоти олий, шифокор. «Ўзбекистон Қаҳрамони» фахрий унвони соҳиби. Сенат раиси ўринбосарлигидан аввал юқори палата қўмитаси раиси сифатида фаолият юритган.
Бундан ташқари, адлия вазири ўринбосари Баҳром Қўчқоров МСК раиси ўринбосари лавозимига сайланиши кутилмоқда.
Қўчқоров 1972 йилда Наманган шаҳрида туғилган. Маълумоти олий, ҳуқуқшунос, иқтисодчи. 2017 йилда президент маслаҳатчиси биринчи ўринбосари, 2017–2020 йилларда Давлат экология қўмитаси раиси сифатида ишлаган. 2020 йилдан бери Адлия вазирлигида фаолият юритмоқда.
Аввалроқ Ўзбекистонда Президент сайловлари октябрь ойида ўтказилиши ҳамда Олий Мажлис Қонунчилик палатаси бунга изоҳ бергани ҳақида хабар берилганди.
Изоҳ (0)