Халқ таълими вазири ўринбосари Темур Комилов АОКАда ўтказилган матбуот анжуманида ўқитувчиларнинг ойлик маошидан солиққа ариза ёздирмасдан, мажбурий тўлов ушлаб қолинишига оид мурожаатга жавоб берди.
«Ҳар қандай жамиятда тўловлар, взнослар, ажратмалар ходимлардан ёзма розилигисиз ёки мажбурлаган ҳолда ушлаб қолиниши мумкин эмас», — деди Темур Комилов.
Халқ таълими тизими ходимлари ноҳақликларга дуч келганда 1006 ва +998-99-988-10-06 рақамларига қўнғироқ қилишлари сўралган. Бундан ташқари, «Ustozovozi.uzedu.uz» платформаси йўлга қўйилиб, тизимдаги ходимларга қилинган ноҳақликлар бўйича мурожаатлар аниқ манзил билан кўрсатилса, чора кўрилиши ҳақида маълум қилинди.
«Президент қарори билан вазирлик ҳузурида Назорат-ҳуқуқий хизмати ташкил этилган бўлиб, у айнан ўқитувчининг ҳуқуқини ҳимоя қилиш, қадр-қимматининг поймол қилинмаслигини таъминлаш билан шуғулланади», — дейди вазир ўринбосари.
Изоҳ (0)