Қош ламинацияси қандай қилинади ва нима учун керак? Мутахассис жавоб беради

Ушбу процедура бундан бир неча йил аввал пайдо бўлганига қарамай, график қошлар урфда бўлгани сабаб кенг тарқалмаган. Лифтинг, қош ламинацияси ва биозавивка — буларнинг бари бир процедур ҳисобланади ва жараёнда қош толалари бир бошқа томонга қараб йўналтирилади. Коллогенирование эса қошни оқсил билан қайта тиклайдиган қўшимча процедура ҳисобланади. Бровист ва визажист Надя Нежинка ушбу процедура ва унинг амалга ошириш жараёни ҳақида маълумот беради.

Микроблейдинг билан фарқи нима?

Микроблейдинг татуажнинг бир тури ҳисобланади ва жараёнда терида кичик тилинишлар кузатилиши мумкин бўлади. Ламинировка эса фақат қош толалари билан амалга оширилади. Қош толалари етарли бўлмаган, шакл ва йўналиш беришга қийналадиганлар учун ламинировка айни муддао. Ҳаммага бирдек мос тушадиган ушбу процедурадан қош соҳасида яллиғланиш бор бўлганларга, ҳомиладор ва яқинда она бўлганларга ва антибиотик қабул қиладиганларга тавсия қилинмайди. Қолаверса, қош толаси ингичка бўлган аёл ва қизлар ҳам мастер танлашда янглишмаслиги эҳтиёт бўлиши керак.

Жараён қандай амалга оширилади?

1,5 соат давом этадиган процедура уч ва қўшимча икки босқичда давом этади. Биринчи ва асосий босқичда асоси тиогликолевая кислота бўлган, қош толасини юмшоқ ва йўналтириш осон қилишга ёрдам берадиган аралашма суртилади. Иккинчи босқичда эса биринчи таъсирни бироз камайтирадиган ва қош тешикларини оз-моз қоплайдиган асос суртилади. Мазкур икки босқичдан кейин қош бўялади, таркибида озиқлантирувчи ёғ бўлган асос суртиш орқали жараёнга якун ясалади. Мижознинг хоҳишига қараб, қўшимча коллогенли ва ботоксли процедура амалга оширилади.

Қандай самара беради?

• Ламировка қилинганда қош толалари «қулоқ соладиган» ва бир томонга йўналтириш осон бўлгани сабаб ҳам қош толалари қалинлашади.
• Қошлар қалин ва табиий кўринишга эга бўлади ва 6 ҳафта сақланиб туради. Кўп ҳолларда эса қошнинг ўсиш тезлигига ҳам боғлиқ.

2 ойда 1 мартадан кўпроқ ўтказиш тавсия қилинмайди. Исталган компонентнинг аллергия келтириб чиқариш хавфи мавжуд. Қолаверса, толалар тўкилиши ва уларни қайтадан ўсишини кутишга тўғри келиш мумкин.