Промоутер Эдди Ҳирн оғир вазн тоифасида ҳаракат қилувчи британлиялик боксчилар Тайсон Фьюри (30-0-1, 21 КО) ва Энтони Жошуа (24-1, 22 КО) ўртасидаги жанг ҳақида фикр билдирди.
Унинг сўзларига кўра, жангни 2021 йилнинг июнь ойида ўтказиш режа қилинган. Оптимистик тахминларга кўра, иккала боксчи 100 миллион доллардан гонорарга эга бўлади.
Жошуанинг вакиллари қарши томонга таклиф юборган, агар шартнома бандлари уларни қониқтирса, у ҳолда жангнинг қаерда ўтказилиши ва қолган масалалар муҳокама қилинади. Томонлар икки ҳафта ичида бир қарорга келиши кутилмоқда.
Аввалроқ Жошуа ва Фьюри ўртасида чемпионлик жанги ўтказилиши WBO ташкилоти томонидан маъқуллангани хабар қилинганди.
Изоҳ (0)