Қиролича билан кечки овқат: Мерилин Монро, Анжелина Жоли ва Елизавета II билан учрашган яна бошқа машҳурларнинг ноёб суратлари

Санъат оламида ўз ўрнига эга ва миллионлаб мухлислари бор юлдузларининг ҳаммаси ҳам қиролича билан учрашавермайди. Қуйида Елизавета II билан учрашиш бахтига муяссар бўлган машҳурлар суратларини эътиборингизга ҳавола этамиз.

Ава Гарднер

Актриса ёш қиролича билан 1955 йилда кўришган. Мазкур муҳим учрашув учун Ава узун қора либос ва оқ қўлқоп танлаган.

Мерилин Монро

1956 йилда Мерилин Елизавета II билан кўришиш учун ипакдан тикилган, елка қисми очиқ, узун либос, аксессуар сифатида эса узун қўлқоп танлаган.

Ракель Уэлч

Актриса қироллик оиласи вакили билан учрашиш учун оқ либос ва худди шу рангдаги қўлқоп танлаган.

Катрин Денев

1966 йилда қиролича билан учрашиш учун Катрин қизил кашта туширилган оқ либосни афзал билган. Сочларини тепадан йиғиб, либоси рангида зирак таққани эса образини янада уйғун кўрсатган.

Барбра Стрейзанд

1975 йилда қиролича билан учрашиш учун бошқаларникидан фарқли либосни маъқул билган. Кумушранг, капюшонли либос билан у дарҳақиқат ўзига хос кўринган.

Элизабет Тэйлор

1976 йилда Тэйлор илк марта қиролича билан кўришиш бахтига муяссар бўлган. Бунинг учун актриса ялтироқ оч яшил рангдаги либос кийиб, унга мос тақинчоқ таққан.

Мерил Стрип

Актриса қиролича билан 1980 йилда «Крамерга қарши Крамер» фильмининг премьерасида учрашган. Стрип дид билан тикилган оқ либос билан худди шу рангдаги қўлқоп таққан.

Женнифер Лопес

Жей Ло 2001 йилда қиролича билан кўришиш учун гардеробидаги яшил ипакдан тикилган либосни танлаган ва кийимига уйғун аксессуарлар билан янада жозибали кўринишга эга бўлган.

Мадонна

Мадонна Елизавета II билан 2002 йилда «Die another day» фильмининг премьераси баҳонасида кўришган. Унинг қора ялтироқ либоси ва учли қора туфлиси эсда қоларли образда бўлишига сабабчи бўлган.

Дэниэл Крейг

Актёр 2006 йилда ҳазрати олиялари билан учрашиш учун қора смокинг кийишни маъқул деб билган.

Энрике Иглесиас

Бошқалардан фарқли равишда хонанда қиролича билан 2007 йилда кўришганида жинси шим, оқ кўйлак ва қора костюмда бўлган.

Анжелина Жоли

2014 йилда мафтункор актриса қиролича билан шунчаки кўришмаган. У ҳарбий можароли ҳудудларда аёлларга нисбатан зўравонликка қарши курашгани учун Елизавета II томонидан тақдирланган.