АҚШ Конгрессининг Вакиллар палатаси мамлакат собиқ президенти Дональд Трампнинг импичменти ҳақидаги резолюцияни Сенатга киритди, деб ёзади «РБК».
Вакиллар қора ниқоб таққан ҳолда ҳужжатни Капитоли бўйлаб олиб ўтиб, Сенат йиғилиш ўтказадиган қанотга етказди.
House managers formally deliver to the Senate the article of impeachment against former President Donald Trump https://t.co/glDz9zos4C pic.twitter.com/cO5795evsb
— CNN Politics (@CNNPolitics) January 26, 2021
АҚШ президенти Жо Байден Дональд Трампга нисбатан импичмент жараёни бўлиб ўтиши керак, деб ҳисоблайди, аммо унинг муваффақиятли бўлишига шубҳа қилади.
«Мен бу (импичмент жараёни) бўлиши керак, деган фикрдаман», — деди у.
Шу билан бирга, президент бу унинг ва маъмуриятига номзодларнинг кун тартибига таъсир ўтказиши мумкинлигини эътироф этди, бироқ «бу амалга ошмаса, таъсир ёмонроқ бўлиши»ни маълум қилди.
Байденнинг фикрича, Сенатда импичмент тарафдорлари собиқ президентни исёнга гижгижлашда айбдор деб топиш учун етарлича овоз тўпламайди. Бунинг учун резолюцияни 100 сенатордан 67 нафари, яъни учдан икки қисми қўллаб-қувватлаши керак. Сенатнинг жорий таркибини ҳисобга олганда, демократлар республикачиларнинг 17 та овозини қўлга киритиши керак бўлади.
Трампнинг импичменти бўйича жараён Сенатда 8 февралдан кейин бошланади, дея маълум қилган эди Конгресс юқори палатасидаги демократлар етакчиси Чак Шумер. Вакиллар палатаси Сенатга резолюцияни 25 январь куни киритиши керак эди. Америка собиқ етакчиси қўзғолонга даъват қилганликда айбланмоқда.
Эслатиб ўтамиз, АҚШ Вакиллар палатаси 13 январь куни Трампга импичмент эълон қилганди. Уни ҳокимиятдан четлатиш тўғрисидаги резолюция конгрессменларнинг 232 нафари, шу жумладан 10 нафар республикачи ҳам овоз берган. Яна 197 киши Трампнинг четлатилишига қарши чиқди.
Бу АҚШ тарихида биринчи марта президентга икки марта импичмент эълон қилиниши. Вакиллар Палатаси Трампга 2019 йил декабрида импичмент эълон қилганди. Аммо унга қарши айбловларни Сенатда кўриб чиқишнинг навбатдаги босқичида у оқланган.
Изоҳ (0)