Европа комиссияси зарур бўлмаган сафарларни қатъий тавсия этмаган ҳолда ЕИ мамлакатлари ва Европа давлатлари бўйлаб сафарлар бўйича тавсия этилган санитария чораларини кучайтирди. Бу ҳақда Еврокомиссия раҳбари Урсула фон дер Ляйен 25 январь куни маълум қилди, деб хабар бермоқда «ТАСС».
«Европадаги вазият биздан қийин, аммо зарур қарорларни қабул қилишни талаб қилади — биз хавфсизликни таъминлашимиз ва кераксиз сафарларни тўхтатишимиз керак. Бугун биз Европа Иттифоқига сафар қилишнинг янги қоидаларини тақдим этдик», — деб ёзган у Twitter’даги саҳифасида.
Европа адлия ва қонун устуворлиги масалалари бўйича комиссари Дидье Рейндерс «Европада санитария ҳолатининг оғирлашганини ҳисобга олиб, биз хавф зоналарини рангларини таснифлаш учун янги атама — «тўқ қизил» зоналарни жорий этишни таклиф қиламиз», — деб айтган. Айни пайтда Европа Иттифоқининг деярли бутун ҳудуди «қизил» зонага киритилган. Шунинг учун юқори даражадаги эпидемиологик хавфга эга ҳудудларни ажратиб кўрсатиш учун янги тоифа яратиш зарурати туғилди.
«Хавфли зоналарга бориш ва чиқиш билан боғлиқ сафарларга келсак, ушбу ҳудудларга зарур бўлмаган сафарлар тавсия этилмаслиги керак, бу Европа Иттифоқи бўйлаб ва ҳатто Европа Иттифоқи давлатлари ичидаги сафарларга ҳам тегишли», — деган у.
Қандай рангда таснифланиши ва эпидемиологик вазиятдан қатъи назар, Европа Иттифоқида 7 та давлат: Австралия, Янги Зеландия, Япония, Жанубий Корея, Сингапур, Таиланд, Руандадан ташқари дунёнинг барча давлатларига муҳим бўлмаган сафарларга қўйилган тақиқ ўз кучида қолмоқда.
Шундай қилиб, янги санитария чоралари агар маъқулланса, дунёнинг бошқа барча давлатларига нисбатан амал қилади.
Европа комиссиясининг 25 январь куни эълон қилинган таклифларига кўра, Европа Иттифоқига ташриф буюрадиган барча шахслар камида уч кун олдин қилинган COVID-19’га қарши тестнинг салбий натижасини тақдим этиши шарт. Европа Иттифоқи фуқаролари учун истисно тариқасида — келгандан сўнг дарҳол тест топширилишлари мумкин.
Шу билан бирга, тест натижаларидан қатъи назар, келгандан сўнг 14 кунгача давом этадиган ўзини яккалаш тартибига амал қилиши керак, карантин муддатларига ҳамжамият мамлакатлари томонидан аниқлик киритилиши лозим.
Аввалроқ ЖССТнинг Европа минтақавий бюроси Жаҳон соғлиқни сақлаш ташкилоти сайёҳларга вакцинация олганлиги тўғрисидаги паспорт бериш масаласини ўрганиб чиқаётганини маълум қилганди. Кейинроқ ташкилот коронавирусга қарши эмланганлик тўғрисидаги ҳужжатнинг мавжудлиги хорижга сафар қилишнинг мажбурий шартига айланмаслиги лозим, деган хулосага келди.
Изоҳ (0)