АҚШнинг янги администрацияси Вашингтон ҳамда «Толибон» ҳаракати ўртасида имзоланган келишувни қайта кўриб чиқади. Бу ҳақда Афғонистон президенти Ашраф Ғани ТОLOnews телеканалига берган интервьюсида маълум қилган.
Ашраф Ғанининг сўзларига кўра, АҚШ зудлик билан «Толибон» ҳаракати вакиллари билан имзоланган келишувни қайта ўрганиб чиқади. Унинг қўшимча қилишича, Вашингтон вакиллари Кобул билан мазкур битимдан келиб чиққан ҳолда маслаҳатлашувлар асосида «йўл харитаси»ни ишлаб чиқади.
Мавзуга доир: Ашраф Ғани Шавкат Мирзиёевга афғонлараро тинчлик жараёнини қўллаб-қувватлаётгани учун миннатдорлик билдирди
«Икки мамлакат ўртасидаги ҳукуматлараро муносабатлар шакли энг олий даражада бўлишига умид қиламан», – деган Ашраф Ғани.
Мавзуга доир: АҚШ Афғонистон ва Ироқдаги ҳарбийлари сонини қисқартирди
Изоҳ (0)