Дилмурод Жумабоев Фарғона вилояти ҳокимининг матбуот котиби — ахборот сиёсати масалалари бўйича маслаҳатчиси лавозимига тайинланди, дея хабар берди «Дарё» мухбири.

Дилмурод Жумабоев.

Фото: Фарғона вилоят ҳокимлиги

Таъкидланишича, Дилмурод Жумабоев мазкур лавозимга тайинлангунига қадар Туризм қўмитасининг Наманган вилоят ҳудудий бошқармаси бошлиғи вазифасида ишлаб келган.

У 1978 йил Наманган вилоятининг Наманган туманида туғилган бўлиб, инглиз тили лингвистикаси магистри даражасига эга.

Фаолияти давомида Наманган вилояти матбуот ва ахборот бошқармаси бўлим бошлиғи, «Наманган» нашриёти бош муҳаррири, НамДУ ўқитувчиси, «Vodiymedia.uz» ахборот сайти раҳбари, «Наманганская правда» газетаси бош муҳаррири сифатида фаолият олиб борган. 2019—2020 йилларда Наманган вилояти ҳокимлиги ахборот хизматига раҳбарлик қилган.

Эслатиб ўтамиз, Фарғона вилояти ҳокимлиги ахборот хизматининг собиқ раҳбари Муҳаммаджон Обидов пневмония касаллигига чалингани сабаб 2020 йилнинг 28 сентябрь куни истеъфо бергач, ўтган вақт давомида ҳокимлик ахборот хизмати раҳбари лавозими бўш турганди.

2020 йилнинг 25 сентябрь куни Хайрулло Бозоров Фарғона вилояти ҳокими вазифасини бажарувчи этиб тайинланган эди.