2020 йилда Президент виртуал қабулхонаси ва Халқ қабулхоналарига 1 миллион 196 минг 370 дан ортиқ мурожаат (ойига ўртача 99,7 мингта, 1 кунда — 3,2 мингта) келиб тушган. Бу ҳақда «Дарё»га Президент халқ қабулхонаси ахборот хизмати маълум қилди.
Маълум қилинишича, ушбу мурожаатларнинг 58 фоизи (693,9 мингтаси) ижобий ҳал қилиш ва ҳуқуқий маслаҳат бериш орқали ечимини топган. 373,6 мингдан зиёд мурожаат эгасига тушунтириш берилган, қолган мурожаатлар кўриб чиқиш жараёнида.
- моддий ёрдам ва ижтимоий нафақалар (2 ёшли, 14 ёшли болалар нафақаси) масаласи – 129 472 та;
- иш билан таъминлаш — 55 203 та;
- уй-жой таъминоти — 47 307 та;
- алимент ундириш — 44 780;
- карантин даврида моддий ёрдам, озиқ-овқат ва ҳимоя воситалари билан таъминлаш — 44 293;
- электр энергияси таъминотидаги узилишлар — 37 874;
- иш ҳақи ва унга тенглаштирилган тўловларни тўлаш ва ундириш — 24 80;
- ер майдони ажратмаслик ёки олиб қўйиш — 20 491;
- маиший газ баллони билан таъминлаш — 18 588;
- аҳоли уй-жойларини таъмирлаш — 15 722.
2020 йилда фуқаролик ишлари бўйича суд қарорларидан норозиликка оид мурожаатлар 20 фоизга, ичимлик суви таъминоти билан боғлиқ мурожаатлар 9 фоизга, уй-жой билан таъминлаш 3 фоизга, ер майдони ажратмаслик ёки олиб қўйишга доир масалалар билан мурожаат қилиш 2 фоизга камайган.
Битта оммавий қабулда ўртача 300 га яқин масала кўриб чиқилган, ўртача 201 масала ҳал қилинган.
Президент Халқ қабулхоналари томонидан киритилган ахборот ва эшитилган ҳисоботлар натижасида мурожаатлар билан талаблар даражасида ишламаган 752 нафар масъул ходим жавобгарликка тортилган. Уларнинг 26 нафари эгаллаб турган лавозимидан озод этилган, 20 нафарига жарима қўлланилган, 89 нафарига ҳайфсан эълон қилинган, 617 нафар масъул ходимлар эса расман огоҳлантирилган.
Президент халқ қабулхоналари тақдимномаларга асосан 3 108 нафар масъул ходим жавобгарликка тортилган. Шундан 201 нафари эгаллаб турган лавозимидан озод этилган, 286 нафарига жарима қўлланилган, 1467 нафарига ҳайфсан эълон қилинган, 1154 нафар масъул ходим эса расман огоҳлантирилган.
Изоҳ (0)