2020-yilda Prezident virtual qabulxonasi va Xalq qabulxonalariga 1 million 196 ming 370 dan ortiq murojaat (oyiga o‘rtacha 99,7 mingta, 1 kunda — 3,2 mingta) kelib tushgan. Bu haqda “Daryo”ga Prezident xalq qabulxonasi axborot xizmati ma’lum qildi.
Ma’lum qilinishicha, ushbu murojaatlarning 58 foizi (693,9 mingtasi) ijobiy hal qilish va huquqiy maslahat berish orqali yechimini topgan. 373,6 mingdan ziyod murojaat egasiga tushuntirish berilgan, qolgan murojaatlar ko‘rib chiqish jarayonida.
- moddiy yordam va ijtimoiy nafaqalar (2 yoshli, 14 yoshli bolalar nafaqasi) masalasi – 129 472 ta;
- ish bilan ta’minlash — 55 203 ta;
- uy-joy ta’minoti — 47 307 ta;
- aliment undirish — 44 780;
- karantin davrida moddiy yordam, oziq-ovqat va himoya vositalari bilan ta’minlash — 44 293;
- elektr energiyasi ta’minotidagi uzilishlar — 37 874;
- ish haqi va unga tenglashtirilgan to‘lovlarni to‘lash va undirish — 24 80;
- yer maydoni ajratmaslik yoki olib qo‘yish — 20 491;
- maishiy gaz balloni bilan ta’minlash — 18 588;
- aholi uy-joylarini ta’mirlash — 15 722.
2020-yilda fuqarolik ishlari bo‘yicha sud qarorlaridan norozilikka oid murojaatlar 20 foizga, ichimlik suvi ta’minoti bilan bog‘liq murojaatlar 9 foizga, uy-joy bilan ta’minlash 3 foizga, yer maydoni ajratmaslik yoki olib qo‘yishga doir masalalar bilan murojaat qilish 2 foizga kamaygan.
Bitta ommaviy qabulda o‘rtacha 300 ga yaqin masala ko‘rib chiqilgan, o‘rtacha 201 masala hal qilingan.
Prezident Xalq qabulxonalari tomonidan kiritilgan axborot va eshitilgan hisobotlar natijasida murojaatlar bilan talablar darajasida ishlamagan 752 nafar mas’ul xodim javobgarlikka tortilgan. Ularning 26 nafari egallab turgan lavozimidan ozod etilgan, 20 nafariga jarima qo‘llanilgan, 89 nafariga hayfsan e’lon qilingan, 617 nafar mas’ul xodimlar esa rasman ogohlantirilgan.
Prezident xalq qabulxonalari taqdimnomalarga asosan 3 108 nafar mas’ul xodim javobgarlikka tortilgan. Shundan 201 nafari egallab turgan lavozimidan ozod etilgan, 286 nafariga jarima qo‘llanilgan, 1467 nafariga hayfsan e’lon qilingan, 1154 nafar mas’ul xodim esa rasman ogohlantirilgan.
Izoh (0)