«O‘zmilliybank» АЖ бошқарувининг жорий йил 16 январда ўтказилган кенгайтирилган йиғилишида 2020 йил натижалари ва 2021 йил учун белгиланган истиқболли режалар муҳокама қилинди.
Йиғилишда дастлаб Ўзбекистон Республикаси Президентининг 2020 йил 29 декабрдаги Олий Мажлисга Мурожаатномасида келтириб ўтилган барча вазифаларга тўхталинди, банк фаолиятида улар ижросини таъминлаш борасида иш режалари тасдиқланганлиги ва унга мувофиқ тегишли ишлар олиб борилиши қайд қилиб ўтилди.
Шу билан бирга, йиғилиш давомида Ўзбекистон Республикаси Марказий банкида жорий йил 11−16 январь кунлари «Маҳаллабай» ишлаш тизимини ташкил этиш юзасидан ўтказилган ўқув-амалий семинар натижалари, унда олинган билим ва тажрибаларни банкнинг барча филиаллари ходимларига етказиш, ҳудудларда шу каби ўрганишларни ўтказишда берилган тавсияларга тўлиқ амал қилиш вазифалари берилди.
2020 йил якунлари билан банк активлари 79,8 триллион сўмни ташкил этиб, кредит портфели 65,6 триллион, жами депозитлар 17,2 триллион шундан, юридик мижозлар депозитлари 12,7 триллион сўмни ташкил қилди.
Пандемия оқибатларини юмшатиш ва бартараф этиш учун айланма маблағ танқислигига дуч келган тадбиркорлик субъектларини молиявий қўллаб-қувватлаш мақсадида айланма маблағларни тўлдириш учун 5,3 триллион сўм миқдорида кредитлар ажратилди ва 210 минг нафар мижознинг 5,1 триллион сўм асосий қарзи ҳамда 560,0 миллиард сўм фоиз тўловларининг муддатлари узайтирилиб берилди.
Ҳисобот йилида банк фаолиятининг барча йўналишлари таҳлил қилиниб, тегишли ҳисоботлар эшитилди, бажарилган ишлар тақдимотлари ўтказилди.
2020 йил давомида банк томонидан жами 885 та лойиҳалар шундан, ҳудудларни ривожлантириш дастурларига мувофиқ 514 та ҳамда 25 та йирик лойиҳалар молиялаштирилди. Жумладан:
Тошкент шаҳрида Texnopark МЧЖда маиший уй-рўзғор техникалари (музлаткичлар, кондиционерлар, кир ювиш машиналари, сув насослари ва газ ҳисоблагичлар) ишлаб чиқариш йўлга қўйилди.
Навоий вилояти Ғозғон шаҳрида 37 гектар ер майдонида табиий тошларни қазиш ва қайта ишлашга ихтисослашган «Мармаробод» йирик кластер лойиҳаси ишга туширилди.
Қорақалпоғистон Республикаси Шуманай туманида йиллик қуввати 6800 тн бўлган «Shomanay EcoTeks» МЧЖ ҳамда Жиззах вилояти Зомин туманида йиллик қуввати 5000 тн бўлган «Ostex Jizzakh» МЧЖ ҚК йирик замонавий ип-йигирув корхоналари ишга туширилди.
«Ўзбекистон темир йўллари» акциядорлик жамиятининг Тошкент шаҳрида ерусти ҳалқа метро линиясининг биринчи босқичи бўлган «Дўстлик-2–Қўйлиқ» йўналиши қуриб битказилди. Метронинг ушбу участкасида 7 та бекат барпо этилган. Янги йўналишнинг узунлиги 11,5 километрни ташкил қилади.
Сирдарё вилояти Оқолтин туманида Sub dry жамиятининг қишлоқ хўжалик маҳсулотларини сублимация йўли билан қуритишни ташкил қилиш лойиҳаси.
Йиғилишда банкни 2021 йилда стратегик ривожлантириш бўйича белгиланган истиқболли режаларга алоҳида тўхталиб ўтилди.
2021 йил учун белгилаб олинган режаларга мувофиқ йил якунига қадар «O‘zmilliybank» АЖнинг умумий активлари ҳажмини 91,7 триллион сўмга ва банкнинг кредит портфелини 77,1 триллион сўмга ҳамда жами юридик ва жисмоний шахсларнинг депозитлари қолдиғи 17,8 триллион сўмга етказилади.
Иқтисодиётни ривожлантириш, тадбиркорликни қўллаб қувватлаш, самарали лойиҳаларни молиялаштириш мақсадида, 2021 йилда банк томонидан жами 540 та лойиҳага 16,5 триллион сўм кредитлар ажратилади.
Бунда 27 та йирик лойиҳага – 8,8 триллион сўм, ҳудудларни ривожлантириш дастурларидаги 371 та лойиҳага – 6,5 триллион сўм ва бошқа йўналишлардаги 142 та лойиҳага – 1,2 триллион сўм банк кредитлари ажратилади. Жумладан:
- Аҳоли пунктларига алоқа хизматларини етказиш ва ижтимоий объектларни глобал интернет хизматлари билан таъминлаш мақсадида Universal Mobile System жамияти лойиҳаси;
- Термиз халқаро аэропортини реконструкция қилиш лойиҳаси;
- Жиззах вилояти Фориш туманида қўрғошин ва синк захираларига эга «Уч қулоч» руда конини ўзлаштириш лойиҳаси;
- Нурафшон шаҳрида «Нурафшон махсус техника» жамияти ва халқ хўжалиги учун махсус техникаларни ишлаб чиқариш лойиҳаси;
- «Оҳангаронцемент» жамияти таркибида қурилиш материаллари ишлаб чиқариш бўйича саноат кластерини яратиш лойиҳаси ва бошқалар.
Банк филиаллари бошқарувчилари ва бош офисдаги таркибий тузилмалари раҳбарларига 2021 йил учун белгилаб олинган вазифалар ижросини таъминлаш, мижозларга сифатли банк хизматларини тақдим қилиш ишларини амалдаги қонунчилик ҳужжатларига тўлиқ риоя қилган ҳолда олиб бориш бўйича кўрсатмалар берилди.
Реклама ҳуқуқи асосида.
Изоҳ (0)