Амалдорларнинг даромадларини декларация қилиш таклифи — яхши ва керакли ташаббус, бироқ уни амалга ошириш механизмлари устида ҳали ишлаш керак. Бу ҳақда Судьялар Олий кенгаши раиси Холмўмин Ёдгоров «Дарё» мухбири Миржалол Қосимов билан суҳбатда айтиб ўтди.
Аввалроқ Коррупцияга қарши курашиш агентлиги амалдорларнинг даромадлари декларация қилинишини назарда тутувчи қонун лойиҳасини ишлаб чиққани маълум бўлганди. 2019 йили Бандлик ва меҳнат муносабатлари тайёрлаган қонун лойиҳасидан фарқли ўлароқ, агентлик таклиф қилаётан лойиҳада қуйидан тортиб юқоригача бўлган барча мансабдорлар — ҳатто президент ва бош вазир ҳам декларация тўлдириши таклиф қилинган.
Коррупцияга қарши курашиш агентлиги томонидан ишлаб чиқилган қонун лойиҳаси январь ойи давомида жамоатчилик муҳокамаси учун эълон қилиниши кутилмоқда. Шунга қарамай, бу қонун лойиҳасининг ишлаб чиқилгани ҳақидаги янгиликнинг ўзиёқ ижтимоий тармоқларда муҳокамаларга сабаб бўлди. Бундан ташқари, бир қатор амалдорлар ҳам ўз даромадларининг декларация қилиниши эҳтимоли юзасидан фикр билдирди.
Мавзуга доир:
- «Амалдорларни қандай соат тақишигача назорат қилиш лозим». Бош вазир ўринбосарлари — даромадлар декларациясига доир қонун лойиҳаси ҳақида
- «Тезроқ амалиётга жорий қилиш керак». ДСҚ, Марказий банк, Молия ва Иқтисодиёт вазирликлари масъуллари — даромадлар декларациясига доир қонун лойиҳаси ҳақида
- «Бунинг нимасидан қўрқиш керак?». Ўзбекистон ҳукумати аъзолари даромадларни декларация қилиш тўғрисидаги қонун лойиҳасига ижобий муносабатда
Амалдорларнинг даромадлари декларация қилиниши бўйича ташаббус мени ҳеч қандай ҳавотирга солмайди. Бу керакли ташаббус, амалга ошса жуда яхши бўлади, лекин унинг механизмлари устида ҳали ишлаш керак. Гап қандай механизмлар ҳақида кетяпти?Қачонки ҳисобга олинмайдиган фойдалар бўлмаса, тўлиқ декларацияга ўтиш мумкин. Масалан, бозорга бориб, қўй соцангиз, ҳужжат беряптими? Бизда мана шундай бозорлар бор. Ёки машинаси бор одам таксистлик қилиб юрибди — бу ҳам ҳисобга олинмаган даромад.
Эртага декларация қилаётганида ёзиб беради: «Бозордан 10 та ориқ қўй олдим, уч ой боқдим, бозорга олиб чиқиб сотгандим, икки баробар фойда қилдим», деб. Бу тақиқланмаган фаолият. Шундай деб ёзиб берса, бозордан солиштириш, текшириш керак бўлади. Унинг учун механизм бўлиши керак.
Декларация деган билан бирдан декларация бўлиб қолмайди. Ўша, ҳисобга олинмаган фойда олиш омиллари йўқ бўладиган бўлса, кейин декларацияга ўтса бўлади. Ҳисобга олинмаган даромадлар бўлган бугунги кунда декларация воситасида коррупцияни тўхтатиш масаласи ишлаб кетишига ишонмайман.
Холмўмин Ёдгоров, Судьялар Олий кенгаши раиси
Изоҳ (0)