Amaldorlarning daromadlarini deklaratsiya qilish taklifi — yaxshi va kerakli tashabbus, biroq uni amalga oshirish mexanizmlari ustida hali ishlash kerak. Bu haqda Sudyalar Oliy kengashi raisi Xolmo‘min Yodgorov “Daryo” muxbiri Mirjalol Qosimov bilan suhbatda aytib o‘tdi.
Avvalroq Korrupsiyaga qarshi kurashish agentligi amaldorlarning daromadlari deklaratsiya qilinishini nazarda tutuvchi qonun loyihasini ishlab chiqqani ma’lum bo‘lgandi. 2019-yili Bandlik va mehnat munosabatlari tayyorlagan qonun loyihasidan farqli o‘laroq, agentlik taklif qilayotan loyihada quyidan tortib yuqorigacha bo‘lgan barcha mansabdorlar — hatto prezident va bosh vazir ham deklaratsiya to‘ldirishi taklif qilingan.
Korrupsiyaga qarshi kurashish agentligi tomonidan ishlab chiqilgan qonun loyihasi yanvar oyi davomida jamoatchilik muhokamasi uchun e’lon qilinishi kutilmoqda. Shunga qaramay, bu qonun loyihasining ishlab chiqilgani haqidagi yangilikning o‘ziyoq ijtimoiy tarmoqlarda muhokamalarga sabab bo‘ldi. Bundan tashqari, bir qator amaldorlar ham o‘z daromadlarining deklaratsiya qilinishi ehtimoli yuzasidan fikr bildirdi.
Mavzuga doir:
- “Amaldorlarni qanday soat taqishigacha nazorat qilish lozim”. Bosh vazir o‘rinbosarlari — daromadlar deklaratsiyasiga doir qonun loyihasi haqida
- “Tezroq amaliyotga joriy qilish kerak”. DSQ, Markaziy bank, Moliya va Iqtisodiyot vazirliklari mas’ullari — daromadlar deklaratsiyasiga doir qonun loyihasi haqida
- “Buning nimasidan qo‘rqish kerak?”. O‘zbekiston hukumati a’zolari daromadlarni deklaratsiya qilish to‘g‘risidagi qonun loyihasiga ijobiy munosabatda
Amaldorlarning daromadlari deklaratsiya qilinishi bo‘yicha tashabbus meni hech qanday havotirga solmaydi. Bu kerakli tashabbus, amalga oshsa juda yaxshi bo‘ladi, lekin uning mexanizmlari ustida hali ishlash kerak. Gap qanday mexanizmlar haqida ketyapti?Qachonki hisobga olinmaydigan foydalar bo‘lmasa, to‘liq deklaratsiyaga o‘tish mumkin. Masalan, bozorga borib, qo‘y sotsangiz, hujjat beryaptimi? Bizda mana shunday bozorlar bor. Yoki mashinasi bor odam taksistlik qilib yuribdi — bu ham hisobga olinmagan daromad.
Ertaga deklaratsiya qilayotganida yozib beradi: “Bozordan 10 ta oriq qo‘y oldim, uch oy boqdim, bozorga olib chiqib sotgandim, ikki barobar foyda qildim”, deb. Bu taqiqlanmagan faoliyat. Shunday deb yozib bersa, bozordan solishtirish, tekshirish kerak bo‘ladi. Uning uchun mexanizm bo‘lishi kerak.
Deklaratsiya degan bilan birdan deklaratsiya bo‘lib qolmaydi. O‘sha, hisobga olinmagan foyda olish omillari yo‘q bo‘ladigan bo‘lsa, keyin deklaratsiyaga o‘tsa bo‘ladi. Hisobga olinmagan daromadlar bo‘lgan bugungi kunda deklaratsiya vositasida korrupsiyani to‘xtatish masalasi ishlab ketishiga ishonmayman.
Xolmo‘min Yodgorov, Sudyalar Oliy kengashi raisi
Izoh (0)