Ўзбекистон эпидемиологик вазият мураккаблиги сақланиб қолгани сабали Республика махсус комиссиясининг қарори билан Буюк Британия, Италия, Дания, Австрия, Австралия, Нидерландия ва Жанубий Африка Республикаси билан халқаро авиарейсларга (кириш, чиқиш ва транзит рейслар орқали республикага кириш) киритилган чеклов муддатини 1 февралга қадар узайтирди.
Чекловлар ушбу давлатларда COVID-19’нинг янги варианти аниқланган 21 декабрдан 10 январгача жорий этилган эди. Юқоридаги давлатларда сўнгги 14 кун давомида бўлган шахсларга чеклов амал қилган давр мобайнида Ўзбекистонга киритилмаслиги белгиланган.
Қарорга кўра, сўнгги 14 кун давомида Буюк Британия, Италия, Дания, Австрия, Австралия, Нидерландия ва Жанубий Африка Республикаси давлатларида бўлган ҳолда учинчи давлатлар орқали Ўзбекистонга кириб келаётган Ўзбекистон фуқаролари ва фуқаролиги бўлмаган шахслар 14 кун давомида вақтинчалик карантинда сақлаш мажмуасида ёки тегишли меҳмонхонада карантинга олиниши тартиби давом этирилади.
Мазкур жорий этилаётган чекловлар ушбу давлатлардаги эпидемиологик вазият барқарорлашгани сари босқичма-босқич бекор қилиб борилади.
Аввалроқ Uzbekistan Airways коронавируснинг янги штамми сабаб Франкфуртга иккита парвозини бекор қилганди.
Изоҳ (0)