Наманган вилояти ҳокими Шавкатжон Абдураззоқов Наманган шаҳридаги юқори босимли магистрал тармоғида носозлик кузатилган «Пахталикўл» сув узатиш иншоотига бориб, мутасаддилар иштирокида ҳолатни жойида кўздан кечирди. Бу ҳақда «Дарё» мухбири Азизбек Абдувалиев хабар бермоқда.
11 январь, душанба куни «Пахталикўл» сув узатиш иншоотида Д-1000 миллиметрли юқори босимли магистрал тармоғида сув қувурининг ёрилиши содир бўлган ва соат 10:00 дан бошлаб иншоотнинг фаолияти вақтинчалик тўхатилганди.
Бунинг оқибатида Наманган шаҳрининг Оромгоҳ даҳаси, «1-Ахсикент», «2-Ахсикент», «Гўзал», «Чаманзор», «Минчинор», «Мустақиллик», «Паҳлавон», «Нуробод», «Сиҳатгоҳ», «Меҳнатобод», «Ишонч», «Истиқбол» МФЙ ҳудуди ва 1-кичик тумани айрим жойларида ичимлик суви таъминотида вақтинчалик узилишлар содир бўлган.
Ҳозирда «Наманган сув таъминоти» МЧЖ мутахассислари томонидан тезкорлик билан носозликни бартараф этиш ҳамда «Оромгоҳ» сув иншооти орқали таъминот тўхтатилган ҳудудларга ичимлик суви етказиб бериш чоралари кўрилмоқда.
Мутасаддилар «Пахталикўл» сув узатиш иншоотидаги носозлик 4 соат ичида, яъни соат 18:00 га қадар бартараф этилишини билдирмоқда.Аввалроқ Наманган шаҳридаги «Пахталикўл» сув узатиш иншоотида Д-1000 миллиметрли юқори босимли магистрал тармоқларда фавқулодда носозлик содир бўлганлиги сабабли мазкур иншоот фаолияти соат 10:00 дан бошлаб вақтинчалик тўхтатилгани хабар берилганди.
Шунигдек, Андижон шаҳрига ичимлик суви етказиб берувчи Хонобод—Андижон марказий сув қувурининг Андижон тумани «Хортум» маҳалласида жойлашган сув тақсимлаш жиҳозида носозлик юзага келгани сабабли 11—12 январь кунлари аҳолига сув етказиб беришда узилиш юзага келиши мумкинлиги хабар берилганди. Шу муносабат билан «Андижон сув таъминоти» компанияси шаҳар аҳолисини ичимлик суви захирасини яратиб олишга чақирганди.
Ундан аввал эса Қашқадарёда электр узилишлари сабабли сув таъминоти тўхтаганди.
Изоҳ (0)