Беларусь президенти Александр Лукашенко Украина ҳудуди орқали тонналаб қурол олиб ўтган террорчилар гуруҳи қўлга олинганини маълум қилди. Бу ҳақда унинг матбуот хизматига таяниб, «Korrespondent.net» хабар берди.
Лукашенконинг қайд этишича, Беларусь махсус хизматлари Николай Автухановичнинг «террорчилик гуруҳини» қўлга олган. Президентнинг сўзларига кўра, улар бутун Беларусь бўйлаб терактлар тайёрлаган.
«Яқинда биз Автуховичнинг гуруҳини қўлга олдик. Ярамаслар. Ҳозир биз уларнинг барча каналларини аниқладик. Улар Украина орқали тонналаб қурол ташиган. Бутун мамлакат бўйлаб терактлар тайёрлаган ва уларни амалга оширишни бошлаган», — дея маълум қилган Лукашенко.
Унинг таъкидлашича, бу каби ноқонуний ҳаракатларнинг олдини олиш қатъий назоратда туради.
Изоҳ (0)