Ўзбекистон футбол ассоциацияси (ЎФА) ва Профессионал футбол лигаси (ПФЛ) 26 декабрь куни 2020 йилги мавсумнинг энг яхшиларини тақдирлаш маросимини ўтказди.
Унга кўра «Пахтакор» бош мураббийи Шота Арвеладзе Суперлига 2020 йилги мавсумининг энг яхши мураббийи номига лойиқ кўрилди.
Грузиялик мутахассис ортда қолган мавсумда «Пахтакор» билан Суперлига чемпионлигини қўлга киритиш билан бирга Ўзбекистон Кубогида ғолиб чиқди. ОЧЛда эса чорак финалга қадар етиб борди.
Шунингдек, ушбу совринга Миржалол Қосимов (ОКМК) ва Рўзиқул Бердиев («Насаф») каби мутахассислар ҳам даъвогар бўлганди.
Суперлиганинг энг яхши ўйинчиси номига «Пахтакор» ҳужумчиси Жалолиддин Машарипов лойиқ кўрилди. Машарипов бу борада Бобур Абдухолиқов («Насаф») ва Игор Сергеевни («Пахтакор») ортда қолдирди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)