Los-Anjelesda Billboard Music Award 2020 g‘oliblarini taqdirlash marosimi bo‘lib o‘tdi (foto, video)

Billboard Music Award 2020 eng yaxshi ijod namunalari uchun mashhur musiqachilarni taqdirladi. Har yili aprel oyida bo‘lib o‘tadigan ushbu marosim koronavirus pandemiyasi sabab 2020-yilning 14-oktabrida yangi shaklda o‘tkazildi.

Billboard Music Awards 2020 taqdirlash marosimi an’anaviy qizil gilam va tomoshabinlarsiz Los-Anjeles shahrida bo‘lib o‘tdi.

Onlayn tarzda olib borilgan marosim uch soat davom etdi va uni uchinchi marotaba amerikalik xonanda va aktrisa Kelli Klarkson olib bordi.

Eng ko‘p mukofot reper Post Malonega nasib qildi. Chunki u 9 ta nominatsiya bo‘yicha g‘oliblikni qo‘lga kiritdi.

Bundan tashqari, irqiy kamsitishga qarshi namoyishlar uchun barcha ishtirokchilarga minnatdorlik izhor etgan Lizzoning nutqi rezonansga sabab bo‘ldi.

Xonandalar Sia, Demi Lovato va Janubiy Koreyaning BTS guruhining chiqishlari tomoshabopligi va o‘ziga xosligi bilan marosimga o‘zgacha kayfiyat bag‘ishladi.

Uchinchi farzandi vafotidan keyin Jon Lejendning omma oldida chiqish qilishi barcha uchun ta’sirli voqea bo‘ldi. Xonanadaning rafiqasi, model va boshlovchi Krissi Teygenning farzandi qornida nobud bo‘lgandi.

Alisha Kisning musiqiy raqami tomoshabinlar yodida qoldi, u ijro paytida ham pianino chalib, ham raqsga tushdi.

Billboard Music Awards 2020 g‘oliblari:

• Eng yaxshi xonanda – Post Malone
• Eng yaxshi qo‘shiq “Hot 100” bo‘yicha – Old Town Road, Lil Nas X va Billi Rey Sayrus
• Eng yaxshi rep ijrochisi – Post Malone
• Eng yaxshi ayol qo‘shiqchi – Billi Aylish
• Eng yaxshi yangi xonanda – Billi Aylish
• Marosimning maxsus yutug‘i – Garri Stayls
• Qo‘shiqlar sotilishida muvaffaqiyatga erishgan xonanda – Lizzo
• Ijtimoiy tarmoqlardagi eng mashhur xonanda – BTS
• Eng yaxshi R&B xonanda – Khalid
• Eng yaxshi kantri-xonanda – Luke Combs
• Lotin Amerikaning eng yaxshi xonandasi – Bad Bunny
• Billboard 200 chartidagi eng yaxshi albom – Billie Eilish: When We All Fall Asleep, Where Do We Go.