Туркманистон президенти Гурбангули Бердимуҳамедов янги йил муносабати билан мамлакатнинг биринчи синф ўқувчиларига маҳаллий ишлаб чиқарилган компьютерлар совға қилишни топширди. Бу ҳақда Туркманистон Давлат ахборот агентлигига таяниб, «Интерфакс» хабар берди.
Мамлакат бош вазирининг фан ва таълим масалалари бўйича ўринбосари Мамметмират Гелдиниязов президентга Агзйбирлик тилсиматй корхонаси биринчи синф ўқувчилари учун компьютерлар чиқаргани ҳақида маълум қилган. Ушбу компьютерлар техник хусусиятлари халқаро стандартларга жавоб бериши, уларга юкланган дастур турли хил таълим функцияларни бажариши, учта тилда: туркман, рус ва инглиз тилларида ишлашини айтган.
«Бу корхонанинг мактабдаги таълим жараёнини рақамлаштиришга қўшган ҳиссаси бўлди», — деган Гелдиниязов. Шундан сўнг Бердимуҳамедов биринчи синф ўқувчиларига ушбу компьютерларни тақдим этишни ташкиллаштириш вазифасини юклаган.
Изоҳ (0)