Президент қарори ижросини таъминлаш мақсадида 2020 йилнинг ноябрь ойида Кадастр агентлигининг жами 346 нафар раҳбари аттестациядан ўтказилди, дея хабар бермоқда агентлик ахборот хизмати.
Натижалар таҳлил қилинганда аттестациядан раҳбарларнинг 24 фоизи ўтган, 15 фоизи шартли ўтган. Қолган 61 фоиз раҳбарлар аттестациядан ўта олмаган.
Маълум қилинишича, 3 декабрдан бошлаб Кадастр агентлигининг туман-шаҳар филиаллари ходимларини аттестациядан ўтказиш ишлари бошланди. Ҳар бир вилоят кесимида натижалар эълон қилиб борилади.
Шунингдек, кадастр тизимидаги тозалаш ишлари натижаларига кўра 2020 йилнинг 1 июнидан 1 декабрига қадар агентлик тизимида фаолият юритиши давомида ўз ишига совуққонлик билан қараган, лавозимини суиистеъмол қилган ҳамда аҳолига хизмат кўрсатишда сусткашликка йўл қўйган 850 дан ортиқ ходимнинг меҳнат шартномалари бекор қилинган.
Аввалроқ Навоийда таълим сифати паст бўлган 26 та мактаб директорлари, тадбиркорларнинг муаммоларини ҳал қилмагани сабабли Бухоро, Жондор ва Сирдарё туманлари ҳокимлари ҳамда Шерзод Шерматов бошчилигидаги йиғилишда бирорта битирувчиси ОТМга кирмаган Қашқадарёдаги 20 та мактаб директори ишдан олингани ҳақида хабар берилганди.
Изоҳ (0)