Bugun,

  • USD 11095.31
  • RUB 173.84
  • EUR 10772.44

O‘zbekiston Prezidenti Shavkat Mirziyoyev raisligida hududlarda tadbirkorlikni qo‘llab-quvvatlash bo‘yicha ko‘rilayotgan chora-tadbirlar natijadorligi hamda xizmatlar sohasini rivojlantirishga doir kelgusi vazifalar muhokamasiga bag‘ishlangan videoselektor yig‘ilishi bo‘lib o‘tdi. Bu haqda Prezident matbuot xizmati xabar berdi.

Foto: Prezident matbuot xizmati

Foto: Prezident matbuot xizmati

Yig‘ilishda joylarda infratuzilmani yaxshilash masalasiga e’tibor qaratildi. Rivojlanishdan orqada qolayotgan 22 ta tuman uchun investitsiya dasturi doirasida 264 milliard so‘m, boshqa hududlar uchun qo‘shimcha 736 milliard so‘m yo‘naltirilishi qayd etildi.

“Ish o‘rinlari tashkil etish, tadbirkorlar muammolarini hal qilish va ularni qo‘llab-quvvatlash borasida o‘zibo‘larchilikka yo‘l qo‘ygan Buxoro, Jondor va Sirdaryo tuman hokimlarini lavozimidan ozod etish masalasi qo‘yildi”, — deyiladi xabarda.

Tadbirkorlikni rivojlantirish bo‘yicha hokimlarning hisobotini mahalliy kengashlarda muhokama qilib, faoliyatiga baho berish, shuningdek, 2021-yil uchun aniq rejalarni belgilash muhimligi ta’kidlandi.

Foto: Prezident matbuot xizmati

Foto: Prezident matbuot xizmati

Ma’lum qilinishicha, tadbirkorlik faoliyati uchun yaratilgan imtiyozlar natijasida 10 oyda 78 mingta korxona tashkil etilgan. Xususan, Xovos tumanidagi yangi kichik sanoat zonasida 7 ta loyiha natijasida 500 ta ish o‘rni yaratilgan. Umuman, tumanda jami 170 ta yangi korxona ochilgan.

Shu bilan birga, Yozyovon, Uchtepa, Shofirkon va Bekobod tumanlarida faol tadbirkorlarni ko‘paytirish bo‘yicha ishlar tanqid qilindi. Iqtisodiy taraqqiyot va kambag‘allikni qisqartirish vazirligiga bunday joylarda tadbirkorlarga har tomonlama ko‘mak berish bo‘yicha “biznes-patronaj” tizimini yo‘lga qo‘yish topshirildi.

Pandemiya davrida vaqtincha ishlamay turgan 96 mingta korxona o‘z faoliyatini tiklagani qayd etilib, qolgan biznes subyektlariga ham bu borada ko‘maklashish muhimligi ta’kidlandi.

Hududlarda tadbirkorlarni yer masalasi ko‘p qiynayotgani, bu borada ko‘plab murojaatlar bo‘layotgani ko‘rsatib o‘tildi.

Eslatib o‘tamiz, Shavkat Mirziyoyev 24-sentabr kuni hududlarda tadbirkorlikni rivojlantirish bo‘yicha qo‘shimcha chora-tadbirlar muhokamasi yuzasidan o‘tkazilgan videoselektor yig‘ilishida rivojlanish darajasi qoniqarsiz bo‘lgan 33 ta tuman rahbarlari ishdan olinishini aytgandi.

Izoh
Asosiy yangiliklar
Dunyo
Hindlar tomonidan vayron qilingan Bobur masjidi, Monrealdagi politexnika institutidagi qizlarning o‘ldirilishi va Moskvada portlovchi moddalar ortilgan vagon halok...
Dunyo
Rossiya Ukrainaga 70 ta raketa bilan zarbalar berdi, to‘rt kishi halok bo‘ldi
Mahalliy
Farg‘onada profilaktika inspektori o‘zini otib qo‘ydi