Замонавий дунё турли экологик муаммоларни келтириб чиққан ҳолда ўз ҳукмини ўтказмоқда, буни эса инновацион ечимларсиз ҳал қилиб бўлмайди
Ўзбекистон Орол фожиаси асоратларини камайтириш, чиқиндиларни бошқариш соҳасини ислоҳ қилиш ва биохилма-хилликни сақлаш билан муҳим экологик масалаларни ҳал қилишга эътибор қаратаяпти.
2020 йил февраль ойидан бошлаб Ўзбекистонда фуқаролик жамияти ташкилотларига атрофдаги имконитларни ўрганиш ва муаммоларни ҳал қилишнинг замонавий усулларидан фойдаланиш ғояларини самарали тарғиб қилишни илгари суришда ёрдам берувчи «Инновацион Ўзбекистон» дастури амалга оширилмоқда.
Дастур координатори ва ижрочиси – Eco Forum of Uzbekistan (Ўзбекистон) ва the New Diplomacy (Чехия) ҳамкорлигидаги ODB Брюссель нотижорат Бельгия ташкилоти.
Европа Иттифоқи молиялаштирган «Инновацион Ўзбекистон» дастури икки йил давомида фаол ҳаракатланишга мўлжалланган. Лойиҳа доирасида мактаб ташкил этилади, унда нотижорат нодавлат ташкилотлар вакиллари манфаатдор томонлар билан ўзаро муносабатлар ва мамлакатнинг 13 вилоятидаги маҳаллий жамиятларда инновация эҳтиёжларини намоён қилиш усули бўйича ўқитилади.
Ҳозирги кунда турли даражадаги қарорлар қабул қилишда Ўзбекистоннинг жамоат ташкилотлари иштирокини кучайтириш жуда муҳим. Иштирокчилар дастур доирасида Европа тажрибасини ўрганадилар, «Инновацион Ўзбекистон» дастурини амалга ошириш маҳаллий шароитга мослаштирилади. Ташкилотчиларнинг ҳаракатлари чекка ҳудудлардаги аҳолининг яшаш шароитини яхшилашга йўналтирилган.
Жорий йилнинг сентябр ойида Самарқанд вилоятининг Кукони қишлоғида «яшил» технологиялар ва маҳаллий жамоалрнинг эҳтиёжларини баҳолаш мавзусида семинарлар бўлиб ўтди. Тадбир бир вақтнинг ўзида Нукусда ҳам бўлиб ўтди.
Муҳокамалар давомида Кўкони қишлоғилдан иштирокчилар сув таъминоти ва суғориш соҳасидаги янгиликлар ва инновациялар тўғрисида етарли маълумотларга эга эмасликларини тан олдилар. Улар қишлоқ хўжалги зараркунандалари билан курашиш учун препаратларнинг қимматлиги ва экин майдонлари кам суғорилишини қайд этдилар. Нукуслик семинар иштирокчилари ичимлик суви етишмаслиги, ернинг ҳолати ёмонлашгани ва ҳудудда соғлиқни сақлаш даражаси пастлигини таъкидладилар. Кўкони қишлоғида баҳор-куз даврида ёмғир суви йиғишнинг мавжуд усуллари ва гидротаран қурилмалар иши намойиш этилди.
«Бундай технологияларни танлаш ва амалиёт учун асосий жиҳатлари мустақил равишда тайёрлаш имконияти мавжудлиги ва таннархнинг пастлиги ҳисобланади, – деди семинар тренери Ўктам Хаитов. – Масалан, гидротаран қурилмасини уй шароитида ҳам қилиш мумкин. Бунинг учун оддий сувдан фойдаланилади ва ҳеч қандай электрогенератор керак эмас.
Нукусда қуёш панелли печларини тайёрлаш ва қўллаш усуллари намойиш этилди. Иштирокчилар, айниқса, буклама ва қутили қуёш панелли печларга алоҳида қизиқиш билдирдилар.
Шунингдек, октябр ойида Навоий вилоятининг Конимех туманида, Фарғона тумани Чимён шаҳар типидаги қишлоқда ва Ёзёвон туманидаги Қорасоқол қишлоғида семинарлар бўлиб ўтди. Тренингларда қуёшли параболик ошхоналар ва алоҳида сув таъминоти технологиялари муҳокама қилинди.
«Бизнинг мақсадли гуруҳимиз, асосан, уй хўжалигида банд бўлган аёллар ва ёшлар, – деди «Тўмарис» маркази директори Наталья Норбекова.– Атроф-муҳитга зарар етказмасдан, овқат тайёрлаш жараёнини енгиллаштириш учун «яшил» технологияга асосланган қуёшли параболик печни жорий этишга қарор қилинди. Бу қурилма туфайли газ, ўтин, электр қувватидан фойдланмасдан сув иситиш, овқат пишириш мумкин».
Чимён ва Қорасоқол қишлоқларида мавжуд пластик ва сопол идишлардан суғориш амалиёти намойиш этилди. Тренинг иштирокчиларида катта қизиқиш уйғотган томчилатиб суғориш учун конструкция тайёрланиши бўйича маҳорат дарси бўлиб ўтди.
«Инновацион Ўзбекистон» дастурини самарали ишлар йили кутмоқда. Ташкилотчилар гуруҳининг қайд этишича, ресурсларни тиклаш асосида туташ иқтисодиёт циклиини қўллаш анъанавий тизимли иқтисодиётнинг аъло даражадаги муқобили бўлади. Лойиҳа доирасида «яшил» технологиялар ва қарорлар қабул қилишда жамоат ташкилотларининг иштироки муҳимлигини ёритиш давом эттирилади.
Реклама ҳуқуқи асосида.
Изоҳ (0)