Покистондаги ҳайвонот боғида сақланган Кааван лақабли «дунёдаги энг ёлғиз фил» 29 ноябрь куни Камбоджага юборилди, деб ёзади Meduza.
Фото: EPA
Кааван 35 йил Исломободдаги ҳайвонот боғида жуда оғир шароитда яшаган. 2012 йилда унинг жуфти Сахели вафот этгач унда руҳий бузилиш ҳамда ортиқча вазн тўпланиши кузатилган.
2016 йилда Кааванни қутқариш бўйича кампания пайдо бўлган, унинг ташаббускорлари орасида америкалик таниқли қўшиқчи Шер ҳам бор.
2020 йилнинг майида ҳайвон ҳимоячилари Покистон Олий судининг Исломободдаги ҳайвонот боғини ёпиш ва Кааванни озод қилиш тўғрисидаги қарорини чиқаришга муваффақ бўлган. Шундан кейин фаоллар филни Камбоджадаги қўриқхонага элтиш бўйича тайёргарлик кўрган.
Фото: EPA
27 ноябрь куни Покистонга Шернинг шахсан ўзи ташриф буюрган. У мамлакат бош вазири билан учрашиб, кўрсатилган ёрдам учун миннатдорчилик билдирган.
Фото: EPA
Фото: EPA
Қўшиқчининг маълум қилишича, 2021 йилда «дунёдаги энг ёлғиз фил»нинг тарихи ҳақида сўзловчи ҳужжатли фильм тақдим этилади.
